28:46  voudroit  croire  beaucoup  de  gens,  il  n'y  auroit  nulles  loix  pour  punir  les  fautes  et  les  crimes.  Et  ils  alleguent,  que  c'est  pour  eviter  d'autres  inconveniens.  Voire,  mais  faut-il  que  la  bride  soit  laschee  a  toute  enormite,  et  que  nous  n'ayons  plus  ne  ioug  ne  correction  sur  nous?  Et  qu'adviendra-il  en  la  fin,  sinon  qu'il  y  aura  une  confusion  brutale  par  tout?  Et  ainsi,  encores  qu'il  y  ait  crainte  de  fausses  accusations  et  calomnies,  si  ne  faut-il  pas  pour  cela  laisser  d'avoir  les  chastimens  et  corrections,  selon  que  la  raison  et  l'equite  le  veut.  Et  qu'on  ait  aussi  les  remedes  a  l'opposite:  comme  nous  voyons  que  nostre  Seigneur  en  use:  Si  un  mari  impose  faux  blasme  a,  sa  femme,  il  est  dit  qu'on  en  cognoistra.  Il  faut  donc  qu'il  y  ait  ordre  et  procedure  legitime  d'un  coste  et  d'autre,  tellement  que  le  mal  ne  demeure  point  impuni.  Et  au  reste,  que  les  innocens  soyent  conservez,  et  qu'on  tienne  ce  moyen  tel  que  nostre  Seigneur  le  monstre.  Voila  (di-ie)  en  somme  ce  que  nous  avons  a  noter  de  ce  passage.  Or  revenons  au  propos  general  que  nous  avons  touche:  c'est  que  en  toutes  ces  loix  nostre  Seigneur  declare  que  la  chastete  luy  est  une  chose  agreable:  et  a,  l'opposite,  qu'il  ne  peut  porter  que  ces  infections  de  paillardise  regnent  en  son  peuple.  Car  des  punitions  qui  sont  ici  contenues,  nous  pouvons  recueillir  combien  ce  mal  est  grief  et  insupportable.  Et  pourquoy?  Car  nous  savons  que  Dieu  n'excede  point  mesure  quand  il  punit  les  pechez:  c'est  avec  raison.  Concluons  donc  que  s'il  y  a  une  punition  rigoreuse,  quo  le  peche  est  aussi  grand  et  enorme.  Il  est  vray  que  Dieu  ne  punira  point  tousiours  les  pechez  selon  qu'ils  en  sont  dignes:  comme  il  y  avoit  une  espece  de  divorce  permise  entre  le  peuple  d'Israel.  Quand  aussi  un  homme  avoit  paillarde,  il  estoit  quitte  en  assignant  mariage  a,  la  fille,  et  la  prenant  pour  femme.  Mais  combien  que  nostre  Seigneur  pour  la  durte  de  ce  peuple  n'ait  pas  tousiours  ordonne  des  loix  si  expresses,  qu'il  l'ait  voulu  faire  chastier  selon  qu'il  le  meritoit:  si  est-ce  que  nous  ne  pouvons  faillir  a  faire  ceste  conclusion:  c'est  que  quand  Dieu  a  puni  quelque  crime,  que  c'a  este  pour  nous  monstrer  qu'il  luy  est  desplaisant,  et  qu'il  est  insupportable,  et  que  nous  provoquons  son  ire,  tellement  qu'il  nous  faut  tousiours  plier  les  espaules,  quand  nous  voyons  que  Dieu  a  establi  quelques  punitions,  et  qu'il  nous  coustera  bien  cher  si  nous  n'y  profitons  rien.  Et  voila  pourquoy  sainct  Paul  declare,  que  ce  sont  autant  de  miroirs  et  de  peintures  que  les  punitions  que  Dieu  a  faites:  pource  que  de  la  nous  recueillons  qu'il  sera  tousiours  iuge,  pour  executer  une  vengeance  semblable  contre  ceux  qui  ne  se  retiennent  point  de  leur  bon  gre,  voyans  l'advertissement  qu'on  leur  donne.  Comme  quoy?  Il  allegue  que  Dieu  a  puni  les  re-