26:46  voila  changez:  ils  exposent  toutes  leur  vaisselles  d'or  et  d'argent  au  commandement  de  ce  peuple:  bref  ils  font  plus  envers  les  enfans  d'Israel,  que  les  peres  n'eussent  fait  a  leurs  propres  enfans.  Et  dont  vient  cela?  c'est  que  Dieu  a  change  leurs  coeurs,  quand  bon  luy  a  semble.  A  l'opposite,  Dieu  aussi  tient  les  coeurs  des  hommes  en  sa  main,  pour  les  endurcir  comme  il  veut.  Et  si  cela  nous  semble  estrange:  cognoissons  la  debilite  de  nostre  sens,  et  que  cela  aille  tousiours  devant,  de  confesser  que  Dieu  est  iuste:  et  que  cependant  nous  adorions  ses  hauts  secrets  et  profonds,  quand  nous  n'y  pourrons  parvenir.  Voila  donc  ce  que  nous  avons  ici  a,  retenir  en  premier  lieu.  Or  nous  avons  aussi  a  noter  la  fin  pourquoy  cela  a  este  fait.  Dieu  (dit  Moyse)  vouloit  perdre  Sehon,  que  desia  Dieu  l'avoit  assigne  a  son  iugement:  voila  pourquoy  il  Pendurcit.  Ce  n'est  point  seulement  en  ce  passage  que  le  sainct  Esprit  parle  ainsi:  mais  quand  Dieu  envoye  son  Prophete  Isaie,  disant,  que  le  peuple  sera  endurci,  et  aveugle  d'autant  plus  apres  avoir  ouy  toutes  les  remonstrances  et  admonitions  qui  luy  seront  faites,  il  adiouste:  Ie  veux  que  ce  peuple  soit  aveugle,  afin  qu'il  ne  se  convertisse  point,  et  que  ie  ne  le  guerisse.  Comme  s'il  disoit:  Ce  peuple  n'est  pas  digne  que  i'aye  pitie  de  luy,  et  que  ie  luy  face  misericorde:  et  pourtant  il  faut  qu'il  demeure  en  sa  perdition.  Et  ainsi  i'endurciray  son  coeur,  ie  boucheray  ses  aureilles,  i'aveugleray  ses  yeux,  qu'il  sera  du  tout  incorrigible.  Et  en  ceci  cognoissons,  que  Dieu  ha  tousiours  iuste  raison:  mais  ce  n'est  pas  a  dire  qu'il  nous  soit  tousiours  licite  de  la  savoir.  Si  la  raison  nous  est  patente,  et  bien,  poisons-la,  cognoissans  que  Dieu  (comme  i'ay  desia  declare)  exerce  sa  iuste  vengeance  sur  les  pecheurs  qui  l'ont  offense  par  trop,  et  qui  ont  abuse  de  sa  patience,  et  de  bonte.  Mais  quoy  qu'il  en  soit,  quand  nous  ne  verrons  point  de  raison:  que  son  seul  vouloir  et  conseil  nous  suffise  :  contentons-nous  qu'il  sait  pourquoy  il  en  use  ainsi,  combien  qu'il  ne  le  vueille  point  reveler,  voire  iusques  au  iour  que  les  choses  qui  nous  sont  maintenant  cachees,  nous  seront  manifestes.  Car  nous  ne  voyons  qu'en  partie  (dit  sainct  Paul)  et  en  obscurite.  Et  si  nous  cognoissions  cela,  c'est  assavoir,  que  nous  sommes  ici  comme  en  une  prison  obscure,  estans  environnez  de  nostre  chair  mortelle:  et  puis,  que  nous  sommes  terrestres,  et  qu'il  faut  bien  que  nous  soyons  renouvellez  pour  comprendre  en  perfection  les  secrets  de  Dieu.  Si  nous  cognoissions  cela,  ce  seroit  pour  abbaisser  le  caquet  a  ceux  qui  blasphement  auiourd'huy  contre  la  doctrine  de  l'election,  tellement  qu'ils  s'humilieroyent  devant  Dieu  pour  recevoir  avec  toute  reverence  tout  ce  qui  est  contenu  en  l'Escriture  saincte.  Tant  y  a  qu'il  faut  que  nous  passions  par  la.  Et  ainsi,  quand  nous  oyons  que  Dieu  a  voulu  destruire