22:46  napparoist  en  la  Loy  sinon  remunerateur  de  parfaicte  iustice,  de  laquelle  nous  sommes  tous  du  tout  despourveuz,  et  daultre  coste  iuge  entier  et3S)  severe  des  pechez.  Mais  en  Christ  sa  face  reluist  pleine  de  grace  et  benignite,  voyre  envers  les  miserables  et  indignes  pecheurs:  car  il  a  donne  cest  exemple  admirable  de  sa  dilection  infinie  quil  a  expose  pour  nous  son  propre  filz  et  en  luy  nous  a  ouvert  tous  les  tresors  de  sa  clemence  et  bonte.  Que  nous  apprehendons  Christ  par  foy.  Comme  le  Pere  misericordieux  nous  offre  son  Filz  par  la  parolle  de  lEvangille,  ainsi  nous  lembrassons  par  foy  et  le  recognoissons  comme  a  nous  donne.  Vray  est  que  la  parolle  de  lEvangille  appelle  tous  en  la  participation  de  Christ,  mais  plusieurs34)  aveuglez  et  endurcis  par  incredulite  mesprisent  ceste  grace  tant  singuliere.  Les  seulz  fideles  doncques  iouyssent  de  Christ,  lesquelz  le  recoivent  estant  a  eulx  envoye,  ne  le  reiectent  leur  estant  donne  et  le  suyvent  estans  appellez  de  luy.  De  lelection  et  predestination.  En  une  telle  difference  est  a  considerer  necessairement  le  grand  secret  du  conseil  de  Dieu:  car  la  semence  de  la  parolle  de  Dieu  prent  racine  et  fructifie  en  ceux  la  seulement  lesquelz  le  Seigneur  par  son  election  eternelle  a  predestine  pour  ses  enfans  et  heretiers  du  royaulme  celeste.  A  tous  les  autres,  qui  par  mesme  conseil  de  Dieu  devant  la  constitution  du  monde  sont  reprouvez,  la  claire  et  evidente  predication  de  verite  ne  peult  estre  aultre  chose  sinon  odeur  de  mort  en  mort.  Or  pourquoy  le  Seigneur  use  de  sa  misericorde  envers  les  uns  et  exerce  la  rigueur  de  son  iugement  envers  les  aultres,  il  nous  en  fault  laisser  la  rayson  estre  cogneue  de  luy  seul,  laquelle  il  nous  a  voulu  a  tous  estre  celee  et  non  sans  tresbonne  cause.  Car  ne  la  rudesse  de  nostre  esperit  ne  pourroit  pas  porter  une  si  grande  clarte,  ne  nostre  petitesse  ne  pourroit  pas  comprendre  une  si  grande  sapience.  Et  de  faict  tous  ceulx  qui  tacheront  de  seslever  iusques  la  et  ne  vouldront  reprimer  la  temerite  de  leur  esperit,  ilz  experimenteront  estre  veritable  ce  que  Salomon  dict  (Prover.  25)  que  celluy  qui  vouldra  enquerir  la  maieste  sera  opprime  par  la  gloire.  Seulement  ayons  cela  resolu  en  nous  que  celle  dispensation  du  Seigneur,  combien  quelle  nous  soit  cachee,  ce  neantmoins  elle  est  saincte  et  38)  entier  et  om.  34)  plurimi.