55:459  459  EPIST.  PETRI  II  460  de  vobis  negotiabuntur:  quorum  iudicium  pridem  non  cessat,  et  quorum  perditio  non  dormitat  1.  Fuerunt  autem,  ete.  Quoniam  hoo  graviter  et  periculose  infirmas  conscientias  concutere  solet,  dum  insurgunt  falsi  doctores  qui  fidei  doctrinam  vel  corrumpunt,  vel  lacerant:  necesse  fuit  apostolo,  quum  fideles  hortari  vellet  ad  constantiam,  eiusmodi  scandalum  tollere.  Porro  hoc  argumento  solatur  eos  quibus  scribit,  et  confirmat  quod  Deus  semper  hoc  genere  tentationis  ecclesiam  suam  exercuerit:  ne  forte  eorum  corda  novitas  percellat.  Non  alia,  inquit,  futura  est  sub  evangelio  ecclesiae  Conditio,  quam  olim  sub  lege  fuerit:  pseudoprophetae  veterem  ecclesiam  turbarunt,  idem  et  nobis  exspectandum  est.  Hoc  oportuit  diserte  testatum  esse,  quia  multi  tranquillum  sub  Christi  regno  ecclesiae  statum  sibi  fingebant.  Quia  enim  eius  adventu  prophetae  solidam  pacem,  summam  coelestis  sapientiae  lucem,  plenamque  rerum  omnium  instaurationem  promittunt,  non  putabant  ecclesiam  amplius  ullis  certaminibus  fore  obnoxiam.  Meminerimus  ergo  spiritum  Dei  hoc  semel  pronuntiasse,  nunquam  ab  hoo  intestino  malo  immunem  fore  ecclesiam:  ac  nobis  semper  in  mentem  veniat  ista  similitudo,  communem  nobis  esse  fidei  probationem  cum  patribus,  quia  eadem  sit  ratio,  nempe  ut  hoc  modo  appareat  an  vere  Deum  amemus  :  quemadmodum  Deuteronomii  cap.  13,  3,  scriptum  est.  Porro  hic  singula  exempla  referre  necesse  non  est:  satis  sit  tenere  in  summa,  quod  patrum  exemplo  nobis  adversus  impias  doctrinas  pugnandum  sit:  quod  ob  dissidia  et  sectas  minime  labascere  debeat  fides  nostra:  quia  inter  turbulentas  agitationes,  quibus  Satan  toties  omnia  evertere  conatus  est,  firma  nihilominus  perstiterit  Dei  veritas.  Observa  autem  non  unum  notari  a  Petro  tempus,  quum  dicit,  erunt  falsi  doctores,  sed  omnes  potius  aetates  comprehendi.  Christianos  enim  cum  veteri  populo  hic  confert.  Ideo  hanc  doctrinam  ad  tempus  nostrum  accommodare  decet,  ne  haec  tentatio  nos  frangat,  quum  insurgere  videmus  falsos  doctores  ut  Dei  veritatem  oppugnent.  Caeterum  ideo  nos  admonet  spiritus  Dei,  ut  intenti  simus  ad  cavendum:  atque  huc  spectat  tota  descriptio  quam  mox  subiiciet.  Quamquam  singulas  sectas  non  pinget  suis  coloribus,  sed  peculiariter  sermonem  diriget  in  homines  profanos  qui  Dei  contemptum  inducunt.  Generalis  quidem  est  sententia,  cavendum  esse  a  falsis  doctoribus:  sed  interea  speciem  unam  elegit  unde  plus  instabat  periculi  Quod  ex  Iudae  verbis  melius  patet,  qui  idem  prorsus  argumentum  tractat.  Qui  subinducent  Hoc  verbo  Satanae  astutiam  notat,  et  impiorum  omnium  qui  sub  eodem  vexillo  militant,  quod  obliquis  anfractibus,  et  quasi  per  cuniculos  subituri  sint.  Quo  magis  advigilare  de-