35:459  459  SERMON  CLV  460  pour  cela  on  ne  doit  point  laisser  de  cheminer  en  crainte  et  solicitude  :  et  qu'il  nous  faut  estre  retenus  par  la  parole  de  Dieu.  Car  voila  aussi  en  quoi  nostre  foi  se  demonstre:  c'est  qu'au  milieu  de  nos  miseres  nous  puissions  contempler  les  graces  que  Dieu  nous  a  promises.  Et  au  contraire,  quand  il  nous  semble  que  la  condition  des  meschans  est  meilleure  que  celle  des  bons:  que  nous  ne  laissions  pas  d'avoir  tousiours  esperance  de  la  vie  eternelle,  combien  qu'elle  ne  nous  apparoisse  pas.  Pourquoi?  D'autant  que  Dieu  nous  l'a  promise,  car  ce  qui  est  procede  de  sa  bouche  n'est  point  frustratoire.  Voila  donc  comme  il  nous  faut  pratiquer  ceste  doctrine.  Or  maintenant  regardons  si  nous  pourrons  faire  le  semblable,  a  ce  qui  est  ici  dit  de  Dieu.  D'un  seul  regard  pourrons-nous  abysmer  les  meschans?  Pourrons-  nous  purger  la  terre  de  tous  orgueilleux,  comme  Dieu  pourroit  faire  quand  bon  lui  sembleroit?  Helas!  qui  sommes-nous?  Ainsi  donc  apprenons  de  donner  gloire  a.  celui  qui  se  monstre  Iuge  du  monde,  qui  a  toute  puissance  en  sa  main,  et  en  use  en  tout  ordre,  et  en  telle  equite  qu'il  n'y  a  que  redire.  Et  combien  que  les  choses  nous  semblent  troublees  et  confuses  souventesfois,  ne  laissons  pas  toutes  fois  de  contempler  tousiours  la  puissance  de  Dieu  qui  se  demonstre  parmi,  et  sa  bonte:  et  si  nous  avons  les  yeux  purs,  il  est  certain  que  iamais  nous  ne  faudrons  a  cognoistre  et  discerner  que  Dieu  gouverne  iustement  le  monde.  Voila  donc  comme  nous  avons  a  pratiquer  ceste  doctrine:  quand  nous  aurons  cognu  Dieu  en  soi  tel  qu'il  est,  et  qu'il  se  declare  par  effect  et  experience:  que  nous  descendions  a  nous,  que  nous  facions  examen  de  nos  foiblesses,  afin  de  nous  humilier:  et  que  nous  n'attendons  pas  de  quereller  a  rencontre  de  celui  qui  a  toute  perfection  de  iustice  et  de  vertu  en  soi.  Voila  en  somme  ce  que  nous  avons  a  retenir.  Et  mesmes  pesons  bien  le  mot  qui  est  adiouste  pour  conclusion:  c'est  assavoir,  Que  Vhomme  se  pourra  sauver  de  sa  main,  quand  il  aura  cela:  comme  s'il  estoit  dit,  que  Dieu  confesse  qu'on  se  peut  lors  passer  de  lui.  Quand  donc  chacun  de  nous  aura  ceste  vertu  dont  il  est  parle,  o  il  ne  faut  plus  que  nous  recourions  au  ciel,  que  nous  invoquions  nostre  Dieu  pour  sauveur:  car  chacun  se  sauvera.  Quand  cela  est  dit,  c'est  pour  ramener  les  hommes  a  ceste  cognoissance,  qu'ils  ont  besoin  d'estre  sauvez  d'ailleurs,  et  qu'ils  n'ont  point  leur  vie  en  leur  main,  et  qu'ils  ne  se  peuvent  nullement  garentir.  Cognoissons  donc  que  nous  ne  vivons  point  de  nous-mesmes,  et  que  nous  n'avons  aussi  nul  moyen  de  nous  maintenir:  et  mesmes  encores  que  tout  le  monde  nous  favorisast,  qu'il  semble  bien  que  nous  eussions  toutes  choses  a  souhait:  tant  y  a  que  nous  ne  sommes  rien:  mais  il  faut