32:459  459  SERMON  SUR  LE  PSEAUME  CXV.  460  suyvant  la  promesse  qu'il  benira  ceux  qui  nous  beniront.  Et  au  contraire  il  faut  conclurre  qu'il  maudira  tous  ceux  que  nous  maudiront.  S'il  est  nostre  Dieu,  il  sera  l'ennemy  mortel  de  nos  ennemis.  Il  y  a  apres  une  belle  sentence:  II  fait  tout  ce  qu'il  veut  Quand  les  meschans  auront  blaspheme,  que  cela  seroit  pour  nous  faire  perdre  courage,  venons  a  ce  poinct:  Nostre  Dieu  fait  ce  qu'il  veut.  Rien  ne  le  destournera  qu'il  ne  nous  ayde,  le  diable  pourra  nous  suggerer  beaucoup  de  fantasies,  mais  par  ceste  cogitation:  Dieu  fait  ce  qu'il  veut,  nous  pourrons  repoulser  ses  assaux.  Maintenant  quelle  est  la  volunte  de  Dieu?  Il  est  vray  que  nous  ne  sommes  point  entrez  en  son  conseil  estroit  pour  cognoistre  tout  ce  qu'il  a  dispose,  mais  il  nous  donne  une  revelation  suffisante  pour  la  cognoistre  entant  qu'ils  nous  en  est  mestier.  Nous  savons  qu'il  nous  veut  ayder  !  Il  Pa  dit.  Il  n'est  point  trompeur.  Fait  il  ce  qu'il  veut!  Il  nous  veut  assister:  il  ne  nous  veut  point  abandonner  en  la  necessite.  Il  le  fera  donc.  Voila  la  conclusion  qu'il  faut  faire.  Quand  il  est  parle  de  la  volunte  de  Dieu,  ce  n'est  point  des  choses  secrettes,  il  faut  revenir  a  ceste  Volunte  qu'il  nous  a  revelee  en  son  escriture.  S'il  nous  afflige,  encore  que  ce  soit  proprement  pour  noz  offenses,  si  nous  venons  a  luy  en  repentance,  il  sera  tousiours  prest  de  nous  recevoir.  Voila  ou  nous  devons  venir.  Maintenant  suyvant  cela,  il  nous  faut  appliquer  ceste  oraison  a  nostre  usage,  et  auiourdhuy  il  en  est  bien  le  temps,  car  nous  voyons  en  quel  estat  est  la  povre  Eglise  de  Dieu.  Nous  voyons  qu'  elle  est  comme  en  branle.  Seigneur,  nous  voyons  les  embusches  faites  contre  tes  fideles,  nous  voyons  les  iniques  qui  s'eslevent  en  leur  rage.  Il  n'est  plus  question  de  persecuter  quelques  povres  gens,  mais  tout  est  en  armes,  la  guerre  mortelle  est  suscitee  contre  ton  Eglise.  Et  ce  pendant  il  n'y  a  point  de  doute  que  nous  avons  bien  tous  merite  que  nostre  Seigneur  nous  confonde.  Pourtant,  quand  nous  oyons  qu'il  se  fait  quelque  persecution,  pensons  quelle  grace  Dieu  nous  avoit  faite.  Son  Evangile  ne  devoit  point  estre  oysif  en  nous:  il  devoit  fructifier.  Considerons  comment  plustost  nous  avons  mene  une  vie  perverse:  comment  nous  avons  este  cause  d'ouvrir  la  bouche  anx  iniques.  Auiourdhuy  toute  la  Papaute  est  confuse  en  la  vertu  de  la  doctrine  que  nous  preschons,  combien  que  les  docteurs  de  l'Antechrist  ne  cessent  d'abbayer  comme  des  chiens  de  loing,  quand  ce  vient  a  parler  en  face,  ilz  ne  font  que  monstrer  leur  impudence.  Mais  quelle  occasion,  quelle  couleur  prennent  ilz?  Les  scandales  qu'on  voit  en  nostre  vie?  Ilz  ont  la  une  matiere  assez  ample.  Il  est  vray  que  c'est  a  leur  confusion,  qu'ilz  detractent  du  nom  de  Dieu.