8:458  me  fuisse  deceptum.  Non  reputabam  scilicet,  quid  valeat  spiritus  vertiginis  et  stuporis,  quo  Dominus  sacrae  suae  doctrinae  profanationem  ulcisci  solet.  Nec  vero  me  latebat  quid  passim  denunciet  in  scriptura,  quid  variis  omnium  fere  temporum  exemplis  testatum  fecerit:  sed  nescio  quomodo  securum  me  reddidit  ipsa  dogmatum  fatuitas,  ut  in  mentem  non  veniret,  si  quando  iram  Domini  mundus  provocavit,  dignum  esse  nostrum  hoc  saeculum,  quod  in  summum  nequitiae  cumulum  pervenit,  longe  atrocioribus  poenis  quam  quas  olim  adversus  ingratos  coelestis  doctrinae  contemptores  fuisse  editas  legimus.  Pudenda  sunt  ludibria  quibus  Valentinum  et  similes  nebulones  lusisse  testis  est  Irenaeus.  1)  Sequuti  postea  alii  sunt  perinde  crassi  impostores,  quos  mirum  est  non  statim  multis  cum  probris  fuisse  explosos.  Quid  igitur  causae  esse  dicemus  cur  ne  ipsis  quidem  defuerint  asseclae,  nisi  quod  homines  perperam  curiosos  novarumque  rerum  cupidos  Dominus  iusto  iudicio  praecipites  egit,  ut  clausis  oculis  se  in  manifestos  Satanae  laqueos  induerent?2)  Quid  hodie?  Maior  pars,  humano  quoque  pudore  excusso,  palam  Deo  illudit:  in  tremenda  eius  mysteria  non  minus  proterve  irrumpunt,  quam  si  porci  rostra  in  pretiosum  thesaurum  ingererent.  Multi  impura  scelestaque  vita  evangelii  professionem  contaminant.  Atque  (ut  alia  taceam)  videmus  quam  audacter  lasciviant  plurimi  in  suis  commentis,  quam  inexplebilis  novarum  rerum  cupiditas,  insani  pruritus  instar,3)  alios  exagitet.  His  ergo  vitiis  iustam  ac  debitam  "mercedem  rependit  Deus,  dum  homines  alioqui  non  1)  Add.  Car  il  n'y  a  ne  rime  ne  raison,  comme  l'on  dit.  Autant  en  est-il  des  Manicheens  et  autres  brouillons  qui  se  iouoyent  plainement  du  monde  en  semant  des  fantasies  si  exorbitantes.  2)  Add.  mesme  se  sont  mis  la  corde  au  col  pour  s'estrangler.  3)  non  plus  qu'un  homme  ayant  la  ratelle  qui  luy  demange.