7:458  scribunt,  non  modo  gratuitam  iustitiae  imputationem  confundunt  cum  operum  meritis,  sed  illam  propemodum  exterminant.  Verba  sunt:  Crescere  fideles  in  iustitia  bonis  operibus  per  observationem  mandatorum  Dei  et  ecclesiae:  magisque  inde  iustificari.  Saltem  si  hac  Augustini  exceptione  uterentur:  [pag.  196]  Iustitiam  fidelium,  quamdiu  degunt  in  mundo,  magis  peccatorum  remissione  constare,  quam  perfectione  virtutum.  *)  Tametsi  ne  illa  quidem  operum  iustitia,  quam  contemptim  no-v  minat,  nitendum  ulla  ex  parte  docet.  Unam  enim  piorum  omnium,  qui  sub  carnis  infirmitate  gemunt,  spem  esse  hanc  praedicat,  quod  mediatorem  habent  Iesum  Christum,  qui  sit  pro  peccatis  eorum  exoratio.2)  Contra  Tridentini  patres,  vel  emptitii  potius  monachi,  qui  tanquam  latini  tibicines,  qualecunque  volunt  carmen  illis  componunt:  modis  omnibus  discipulos  suos  avocfintes  a  gratiae  intuitu,  falsa  operum  fiducia  excaecant.  Libenter  sane  confitemur,  quotidiano  bonorum  operum  profectu  crescere  debere  fideles:  bonaque  eorum  opera,  quibus  ornati  sunt  a  Deo,  interdum  iustitiae  titulo  insigniri.  Verum,  quum  haec  tota  operum  dignatio  non  ex  alio  fonte  manet,  quam  gratuitae  acceptionis  :  quam  absurdum  foret,  hanc  ab  illa  labefactari?  Cur  non  reminiscuntur  quod  pueri  in  scholis  didicerunt:  non  pugnare  quod  subordinatur?  Dico  gratuita  imputatione  fieri,  ut  coram  Deo  iusti  censeamur:  dico  inde  quoque  alterum  beneficium  provenire,  ut  iustitiae  nomen  habeant  opera,  quae  procul  alioqui  a  iustitiae  veritate  abessent.  Denique,  non  proprio  merito,  sed  fide  sola,  [pag.  197]  tam  personam,  quam  opera  iustificari  affirmo:  et  ex  personae  iustificatione  hanc  operum,  tanquam  ex  causa  effectum,  pendere.  Ergo  et  ordine  ita  praecedat,  et  gradu  ita  superemineat  necesse  est  unica  fidei  iustitia,  ne  quid  eam  vel  praevertat,  vel  obscuret  Proinde  iniquissima  est  calumnia,  gratuitae  iustitiae  meritoriam  nescio  quam  substituere:  ut  semel  nos  gratis  Deus  momento  uno  iustificet:  nos  autem  tota  vita  legis  observatione  iustitiam  ipsi  nobis  comparemus.  De  observatione  mandatorum  Dei,  hoc  mihi  velint  nolint  fatebuntur;  multum  a  perfecto  eius  complemento  distare  omn  es  mortales.  Nunc  mihi  respondeant:  an  qualiscunque  eius  pars,  iustitia  sit,  aut  pars  iustitiae.  Posterius  hoc  strenue  asserent.  Verum  repugnat  scriptura,  quae  hunc  honorem,  nisi  perfectae  obedientiae,  nequaquam  tribuit:  Qui  fecerit  haec,  vivet  in  ipsis:  maledictus  antem  qui  non  compleverit  omnia  (Gal.  3,  10).  Item:  Qui  defecerit  in  uno,  factus  est  omnium  reus  (Iac.  2,  10).  Nemo  est  qui  non  agnoscat,  etiam  me  tacente,  maledictioni  subiici  1)  Libro  de  Civitate  Dei  19.  cap.  27.  2)  Libro  ad  Bonifacium  3.  c.  5.