6:458  ipso  multum  praefari  nihil  attinet.  Perinde  accipite  quod  dicam,  ac  si  eorum  omnium,  qui  ecclesiam,  vel  restitutam  iam  curarunt,  vel  cupiunt  restitui  in  verum  ordinem,  una  vox  personaret.  Sunt  aliquot  non  infimae  dignitatis  principes,  sunt  insignes  respublicae  non  paucae  in  hac  causa.  Pro  his  omnibus  ita  unus  loquor,  ut  verius  per  me  uno  ore  simul  loquantur  omnes.  His  addite  infinitam  piorum  hominum  multitudinem,  qui  per  varias  christiani  orbis  partes  dissipati,  uno  tamen  consensu  mihi  in  hac  actione  subscribunt.  Denique  putate  hanc  communem  esse  orationem  omnium,  qui  praesentem  ecclesiae  corruptionem  ita  serio  deplorant,  ut  nequeant  diutius  ferre:  nullum  finem  facturi,  donec  aliquam  emendationem  viderint.  Scio  quam  odiosis  nominibus  ad  infamiam  notemur.  Verum  quocunque  tandem  nomine  appellare  nos  libeat;  [pag.  5]  interea  causam  audite,  et  inde  postea  aestimate,  quo  loco  haberi  debeamus.  Principio  non  quaeritur  an  morbis  laboret  ecclesia,  et  multis  et  pessimis  (constat  enim  inter  omnes,  qui  vel  mediocriter  iudicant),  sed  an  eius  generis  sint  morbi,  quorum  longiorem  moram  non  ferat  curatio  :  ut  nimis  lenta  remedia  exspectare  nec  utile  sit,  nec  deceat.  Accusamur  temerariae  et  impiae  novationis,  quod  omnino  quidquam  ausi  fuerimus  ex  antiquo  statu  in  ecclesia  movere.  Quid?  Etiamne,  si  nec  absque  ratione,  nec  perperam  factum  sit?  Sunt,  ut  audio,  qui  ne  in  hoc  quidem  damnare  nos  dubitent:  quia  expetendam  quidem  l)  a  nobis  fuisse  correctionem,  tentari  vero  non  oportuisse,  censeant.  A  quibus  nihil  impetrare  aliud  in  praesentia  velim,  nisi  ut  paulisper  iudicium  sustineant,  donec  ex  re  ipsa  ostendero,  neque  nos  ante  1)  quidam  1576.1611;  Gallus  aucuns.