55:458  mus:  impiam  vero  esse  eius  profanationem,  ubi  arroganter  acumen  nostrum  ingerimus  ad  ipsam  intelligendam,  quum  mysteria  Dei  contineat  carni  nostrae  abscondita,  ao  sublimes  vitae  thesauros  modulum  nostrum  longe  superantes.  Atque  id  est  quod  diximus,  lucem  quae  in  ea  refulget,  ad  solos  humiles  pervenire.  Porro  bis  insulsi  sunt  papistae,  dum  hinc  colligunt,  nullam  privati  hominis  interpretationem  debere  authenticam  censeri.  Nam  hoc  Petri  testimonio  abutuntur,  ut  suis  conciliis  summum  ius  interpretandae  scripturae  arrogent��  In  quo  sane  pueriliter  ineptiunt.  Nam  Petrus  interpretationem  vocat  privatam,  non  uniuscuiusque  hominis,  ut  singulos  tantum  ab  ipsa  prohibeat:  sed  profanum  esse  docet  quidquid  de  suo  afferunt  homines.  Ergo  ut  totus  mundus  in  unum  conspiret,  cunctaque  hominum  ingenia  simul  coalescant,  quidquid  tamen  inde  prodibit,  privatum  erit  vel  proprium:  quia  nomen  hoc  divinae  revelationi  opponitur,  dum  spiritu  sancto  intus  illuminati  fideles,  quidnam  verbo  suo  velit  Deus,  agnoscunt.  Mihi  tamen  simplicior  videtur  alter  sensus,  ut  scripturam  Petrus  non  humanitus,  vel  humano  impulsu  proditam  fuisse  dicat.  Nunquam  enim  ad  eam  legendam  bene  praeparatus  accedes,  nisi  reverentiam,  obsequium,  ac  docilitatem  afferas.  Porro  iusta  reverentia  inde  nascitur,  quum  statuimus  Deum  nobiscum  loqui,  non  homines  mortales.  In  primis  ergo  iubet  Petrus,  fidem  prophetiis  haberi,  tanquam  indubiis  Dei  oraculis:  quia  non  fluxerint  ex  proprio  hominum  motu.  Eodem  spectat  quod  mox  subiicit,  quod  sancti  Dei  homines  spiritu  impulsi,  loquuti  sint:  non  autem  sponte  vel  suo  arbitrio  effutierint  sua  commenta.  Summa  est,  hoc  esse  rectae  intelligentiae  initium,  dum  fidem,  quae  Deo  debetur,  tribuimus  sanctis  eius  prophetis.  Sanctos  Dei  homines  appellat,  qui  iniunctum  sibi  munus  fideliter  exequentes,  divinam  in  suo  ministerio  personam  sustinuerint.  Impulsos  fuisse  dicit,  non  quod  mente  alienati  fuerint  (qualem  in  suis  prophetis  IvfrooataofJtov  fingunt  gentiles)  sed  quia  nihil  a  se  ipsis  ausi  fuerint:  tantum  obedienter  sequuti  sint  spiritum  ducem,  qui  in  ipsorum  ore,  tanquam  in  suo  sacrario,  regnabat.  Prophetiam  scripturae  intellige,  quae  in  scripturis  sacris  continetur.  CAPUT  IL  1.  Fuerunt  autem  et  falsi  prophetae  in  populo:  sicuti  et  inter  vos  erunt  falsi  doctores  qui  subinducent  sectas  perditionis:  etiam  Dominum,  qui  eos  redemitf  abnegantes,  accersentes  sibi  celerem  interitum.  2.  Et  multi  sequentur  eorum  exitia,  per  quos  via  veritatis  blasphemabitur.  3.  Et  in  avaritia  fictis  sermonibus