5:458  quand  ceux  qui  ont  esmeu  ceste  controversie  ont  commence  de  nous  reduire  a  la  verite,  nous  ne  nous  esmerveillerons  point  de  ce  qu'ilz  n'ont  pas  tout  congneu  du  commencement.  C'est  plustost  miracle  que  nostre  Seigneur,  en  si  petit  de  temps,  [pag.  67]  les  a  tellement  illuminez,  qu'ilz  ont  peu  ainsi  sortir  de  ceste  fange  d'erreurs,  et  en  retirer  les  autres,  en  laquelle  on  avoit  este  plonge  si  long  temps.  Mais  il  n'est  rien  meilleur  que  de  reciter  comment  la  chose  est  allee,  pource  que  de  la  il  apparoistra  qu'on  n'a  point  si  grande  occasion  de  se  scandalizer  en  cest  endroit  tant1)  qu'on  pense  communement.  Quand  Luther  commenca  a  enseigner,  il  traictoit  en  telle  sorte  la  matiere  de  la  Cene,  que  touchant  la  presence  corporelle  de  Christ,  il  sembloit  advis  qu'il  la  laissast  telle  que  le  monde  la  concevoit  pour  lors.  Car  en  condamnant  la  transsubstantiation,  il  disoit  le  pain  estre  le  corps  de  Christ,  d'autant  qu'il  estoit  uny  avec.  Oultre  plus,  il  adioustoit  des  similitudes,  lesquelles  estoient  un  peu  dures  et  rudes.  Mais  il  le  faisoit  comme  par  contrainte,  pource  qu'il  ne  povoit  autrement  explicquer  son  intention.  Car  il  est  difficile  de  donner  a  entendre  une  chose  si  haulte,  sinon  en  usant  de  quelque  impropriete.  D'autrepart,  [pag.  68]  se  leverent2)  Zuingle  et  OEcolampade,  lesquelz,  considerans  l'abuz  et  tromperie  que  le  Diable  avoit  mis  sus,  en  establissant  une  telle  presence  charnelle  de  Christ,  qu'on  avoit  enseignee  et  tenue  plus  de  six  centz  ans,  penserent  qu'il  n'estoit  pas  licite  de  dissimuler.  Mesmes  puis  que  cela  emportoit  une  ydolatrie  execrable,  en  ce  que  Iesus  Christ  y  estoit  adore  comme  enclos  soubz  le  pain.  Or  pource  qu'il  estoit  fort  difficile  d'oster  ceste  opinion  enracinee  si  long  temps  aux  cueurs  des  hommes,  ilz  appliquerent  tout  leur  entendement  a  crier  alencontre,  remonstrans  combien  c'estoit  une  lourae  faulte  de  ne  recongnoistre  point  ce  qui  est  tant  testifie  en  l'Escriture,  touchant  l'Ascension  de  Iesus  Christ,  et  qu'il  a  este  receu  en  son  humanite  au  ciel,  la  ou  il  demourera  iusques  a  ce  qu'il  descende  pour  iuger  le  monde.  Cependant  qu'ilz  s'amusoient  a  ce  poinct,  ilz  oublioient  de  monstrer  quelle  presence  de  Iesus  Christ  on  doibt  croire  en  la  Cene,  et  quelle  communication  [pag.  69]  de  son  corps  et  de  son  sang  on  y  recoit.  Tellement  que  Luther  pensoit  qu'ilz  ne  vousissent3)  laisser  autre  chose  que  les  signes  nudz,  sans  leur  substance  spirituelle.  Ainsi  il  commenca  a  leur  resister  en  barbe,  iusque  a  les  denoncer  pour  Heretiques.  Depuis  que  la  contention  feust  une  fois  commencee,  elle  s'enflamba  tousiours  avec  le  temps,  et  1)  tant,  manque  1566  ss.  2)  s'esleverent,  1566  ss.  3)  voulussent,  1566  ss.