20:458  cuius  nomen  mihi  excidit,  hi  te  per  Christum  vehementer  rogant  ut  consilium  tuum  nobis  impertias.  Valde  inter  nos  quaeritur  quomodo  in  patriam  reversi  nos  gerere  debeamus.  Recitabitur  salutatio  evangelica,  crucibus  se  contra  veram  pietatem  quidam,  ut  fieri  solet,  signabunt.  Omitto  alia  quae  contingere  possunt.  Quaeritur  sitne  statim  contradicendum  aliquid,  an  vero  humanius  sit  unum  aut  alterum  diem  exspectare,  ne  praecipites  nimium  esse  videamur.  Praeterea,  quum  Biturigibus  in  ecclesia  essemus,  multa  sancte  polliciti  sumus  ut,  puta,  papistica  templa  nos  non  accessuros,  papistarumque  conciones  non  audituros.  Interdicta  sunt  etiam  plurima,  chartae,  aleae,  tripudia,  papistarumque  convivia.  Haec  quidam  aiunt  tam  stricte  praeciseque  non  esse  intelligenda,  sed  hinc  sibi  tripudiare,  chartis,  aleis  ludere  et  papisticas  conciones  audire  licere  putant.  Accedit  ad  superiora  quod  domum  reversi  aderunt  parentes,  amici  atque  cognati,  rogabunt  ut  pro  infantibus  fide  iubere  velimus.  Fortasse  ducenda  erit  uxor.  Quid  agemus?  Lutherus  admittit,  quibusdam  in  locis  papisticos  sacerdotes  esse  in  officio.  Sic  enim  loquitur.  Deinde  tu  ipse  ab  eo  non  videris  abhorrere,  quum  illum  locum  explicas:  Lapis  quem  reprobaverunt  aedificantes  ete.  Quum  igitur  illi  titulum  gerant  quemadmodum  et  Pharisaei  olim,  et  *)  officium  non  praestent  ut  debebant  (nam  et  baptizatos  ab  illis  non  rebaptizamus,  nec  matrimonia  ab  illis  coniuncta  non  dissolvimus),  his  ita  se  habentibus  quaeritur  quid  impediat  quominus  infantes  illis  baptizandos  nosque  matrimonio  iungendos  offerre  liceret,  ita  tamen  si  antea  coram  ipso  sacerdote  et  populo  publice  protestemur,  nos  non  assentiri,  sed  exsecrari  potius  omnes  istas  impietates  quae  ad  baptismum  et  matrimonium  contra  Dei  verbum  accedunt:  nos  nihil  accipere  nisi  quod  a  Domino  institutum  est.  Quaeritur  an  propter  hanc  publicam  protestation  em  superiora  fidelibus  non  permittantur.  Ad  haec  ut  rescribas  tuam  sententiam,  quum  otium  erit,  omnes  te  per  Christum  Iesum  rogamus.  Nam  ad  ea  brevi  veniemus  loca,  in  quibus  multae  nobis  occurrerent  afflictiones.  Prosis  igitur  nobis,  carissime  domine,  et  si  fieri  potest  rescribe.  Literas  tuas  Crispino  ad  nos  dare  potes.  Novi  prorsus  nihil  est.  Nos  omnes  nos  vestris  sanctissimis  precibus  commendamus.  Ignosce  festinationi.  Vale  per  Christum,  amicissime  domine.  Deus  te  nobis  diu  incolumem  conservet.  Datum  16.  Ianuarii  Spirae.2)  4188.  1)  In  his  videtur  aliquid  a  librariis  peccatum  fuisse.  Fortasse  pro:  et  legendum:  etsi.  2)  Respondit  Calvinus  pridie  Idus  Martias  1558.  Sic  iam  non  est  de  anno  ambigendum  (N.  2829).