55:457  457  CAPBT  ll.  453  oppressus  erat:  Dominum  tamen  huic  malo  remedium  afferre,  dum  facem  accendit  quae  in  media  caligine  nos  dirigat.  Huic  tamen  expositioni  videtur  esse  minus  consentaneum  quod  de  lucifero  mox  annectit.  Neque  enim  solida  cognitio,  ad  quam  tota  vita  tendimus,  diei  principium  vocari  potest.  Respondeo,  non  inter  se  conferri  diei  partes  :  sed  totum  diem  cum  suis  partibus  caligini  opponi,  quae  omnes  sensus  nostros  penitus  obrueret,  nisi  nobis  Dominus  subveniret  verbi  sui  luce.  Insignis  est  hic  locus,  unde  discimus  quomodo  nos  Deus  gubernet.  Papistae  identidem  in  ore  habent,  ecclesiam  non  posse  errare.  Interea  praeterito  verbo,  illam  regi  a  spiritu  singunt.  Petrus  autem  contra,  in  tenebris  demersos  esse  omnes  pronuntiat  qui  non  intenti  sunt  ad  verbi  lucernam.  Ergo  nisi  sponte  in  labyrinthum  coniicere  te  velis,  cavendum  summopere  ne  a  verbi  directione  vel  tantillum  declines.  Imo  ecclesia  non  aliter  ducem  potest  Deum  sequi,  nisi  hunc  regiminis  modum  observet.  Hac  quoque  sententia  totam  hominum  sapientiam  damnat  Petrus,  ut  aliunde  quam  ex  proprio  sensu  petere  humiliter  discamus  veram  intelligendi  regulam.  Nam  extra  verbum  nihil  hominibus  praeter  tenebras  reliquum  facit.  Praeterea  notatu  dignum  est  quod  de  scripturae  claritate  pronuntiat.  Falsum  enim  esset  encomium  istud,  nisi  ad  monstrandam  certo  nobis  viam  scriptura  idonea  et  par  esset.  Ergo  quisquis  oculos  fidei  obedientia  aperiet,  ipso  experimento  agnoscet  non  frustra  scripturae  impositum  fuisse  lucernae  nomen.  Incredulis  quidem  obscura  est,  sed  qui  exitio  devoti,  sponte  caecutiunt.  Quare  exsecrabilis  est  papistarum  blasphemia,  qui  scripturae  luce  nihil  quam  oculos  perstringi  fingunt,  ut  ab  eius  lectione  simplices  absterreant.  Sed  nihil  mirum  est  superbos  nomines  et  perversae  confidentiae  vento  inflatos,  eam  lucem  non  videre  qua  Dominus  solos  parvulos  et  humiles  dignatur.  Eodem  elogio  David  legem  Dei  commendat,  Psalmo  19  et  119.  20.  Hoc  primum  cognito.  Hic  incipit  docere  Petrus  qualiter  nos  comparatos  animis  esse  deceat,  si  rite  volumus  in  scriptura  proficere.  Quamquam  potest  esse  duplex  verborum  sensus1),  si  eiuqXuaetuc  legas,  ut  quidam,  quod  est  impetus:  tantum  tamen  legi  emXoascoc,  quod  interpretationem  significat:  atque  ita  fere  omnes  accipiunt,  quod  non  debeamus  ad  scripturam  legendam  temere  irrumpere,  proprio  sensu  confisi.  Confirmationem  huius  dicti  sequi  putant:  quia  spiritus,  qui  per  prophetas  loquutus  est,  sit  idem  unicus  sui  interpres.  Haec  expositio  veram  et  piam  et  uberem  doctrinam  continet,  tunc  demum  cum  fructu  legi  prophetias,  ubi  abdicato  carnis  sensu,  spiritus  sancti  magisterio  nos  snbiici-  *)  Nam  enCAuoig  tam  motos  et  impetus  Graecis  est,  quam  interpretatio.