5:457  DE  LA  CENE.  De  la  viendra  qu'ilz  mespriseront  et  condamneront  pour  ydolatrie  toutes  ces  facons  superstitieuses,  tant  de  porter  le  Sacrement  en  pompe  et  procession,  que  de  luy  construire  des  tabernacles  pour  le  faire  adorer.  Car  les  promesses  de  nostre  Seigneur  ne  s'estendent  pas  oultre  l'usaige  qu'il  nous  en  a  laisse.  Apres  ilz  tiendront  que  priver  le  peuple  d'une  des  parties  du  Sacrement,  a  scavoir  du  calice,  c'est  violer  et  corrumpre  l'ordonnance  du  Seigneur:  et  que  pour  la  bien  observer,  il  est  necessaire  de  distribuer  entierement  l'un  et  l'autre.  Finalement  ilz  reputeiont  que  c'est  une  superfluite  non  seulement  inutile,  mais  aussi  dangereuse  et  mal  convenable  a  la  Chrestiente  de  user  de  tant  de  ceremonies  prinses  des  Iuifz,  oultre  la  simplicite  que  les  [pag.  65]  Apostres  nous  ont  laissee.  Et  que  c'est  encores  plus  grand'  perversite  de  celebrer  la  Cene  par  mines  et  ie  ne  scay  quelles  basteleries,  sans  que  la  doctrine  y  soit  recitee,  mais  plustost  y  est  ensepvelie,l)  comme  si  la  Cene  estoit  une  espece  d'art  magique.  D'autant  que  la  contention,  laquelle  a  este  trop  aigrement  debatue  de  nostre  temps  a  este  maleureuse,  2)  comme  le  Diable,  sans  doubte,  l'a  suscitee  pour  empescher,  voire  mesme  du  tout  rompre  le  cours  de  l'Evangile,  ie  desirerois  que  la  memoire  en  feust  du  tout  abolye;  tant  s'en  fault  que  ie  me  delecte  a  en  faire  un  long  recit.  Neantmoins,  pource  que  ie  vois  beaucoup  de  bonnes  consciences  troublees,  pource  qu'elles  ne  scavent  de  quel  coste  se  tourner,  i'en  diray  en  brief  ce  qui  me  semblera  advis  estre  necessaire  pour  leur  monstrer  comment  elles  se  doivent  resouldre.  Premierement,  ie  prie  au  Nom  de  Dieu  tous  fideles  de  ne  se  point  trop  scandalizer  de  ce  qu'un  si  grand  different  a  este  esmeu  [pag.  66]  entre  ceux  qui  devoient  estre  comme  Capitaines  pour  remettre  la  verite  en  lumiere.  Car  ce  n'est  pas  chose  nouvelle  que  le  Seigneur  permette  ses  serviteurs  en  quelque  ignorance,  et  souffre  qu'ilz  ayent  debat  les  uns  contre  les  autres.  Non  pas  pour  les  delaisser  la  tousiours,  mais  seulement  a  un  temps  a  fin  de  les  humilier.  Et  de  faict,  si  tout  feust  venu  a  souhait  iusques  a  maintenant,  sans  aulcun  destourbier,  les  hommes  se  feussent  possible  mecongneuz  ou  la  grace  de  Dieu  eust  este  moins  congneue  qu'il  n'appartenoit.  Ainsi  le  Seigneur  a  voulu  oster  toute  matiere  de  gloire  aux  hommes,  a  fin  d'estre  seul  glorifie.  D'avantage,  si  nous  considerons  en  quel  abisme  de  tenebres  le  monde  estoit  1)  mais  plustost  y  est  ensepvelie,  1541.  1542;  mais  ou  plustost  elle  est  ensevelie,  1549;  mais  la  ou  plustost  elle  est  ensevelie  1566  ss.  2)  Dans  toutes  les  editions  a  partir  de  celle  de  1542,  cet  alinea  commence  ainsi:  Pour  faire  fin,  il  est  temps  de  venir  au  dernier  poinct  principal.  C'est  de  la  contention,  qui  a  este  debattue  de  nostre  temps  touchant  ceste  matiere.  Or  pource  qu'elle  a  este  mal-heureuse,  etc.