35:457  457  IOB  CHAP.  XL.  458  de  Dieu  nous  serons  enflez  de  presomption  pour  mespriser  nos  prochains:  voila  l'orgueil  qui  despite  Dieu,  et  qui  provoque  sa  vengeance  contre  nous.  Que  faut-il  donc?  Si  nous  ne  voulons  avoir  Dieu  pour  contraire,  apprenons  de  nous  defier  de  ce  qui  est  en  nou��,  de  ne  concevoir  nulle  presomption  qui  nous  esleve:  mais,  en  somme  et  en  bref,  disons  que  nous  ne  sommes  rien.  Et  puis  quand  Dieu  nous  aura  eslevez  par  dessus  les  autres  en  honneur,  ou  qu'il  nous  aura  distribue  quelques  vertus:  que  nous  sachions  que  cela  procede  de  lui.  Et  au  reste  que  nous  soyons  amiables,  nous  abstenans  de  faire  tort  a  nos  prochains,  ou  de  mespriser  ceux  qui  sont  enfans  de  Dieu  comme  nous,  pour  le  moins  qui  sont  creez  a  une  mesme  semblance  et  nature.  Voila  donc  quant  a  ce  qui  est  dit,  Que  l'office  de  Dieu  est  de  reprimer  toute  la  fierte  des  hommes  par  son  regard.  Or  il  adiouste  quant  et  quant,  les  meschans.)  afin  de  monstrer  qu'en  general  il  est  ennemi  des  meschans:  mais  pource  qu'a  grand'  peine  se  peut-il  faire,  quand  les  meschans  se  desbordent  a  mal,  que  l'orgueil  et  fierte  ne  domine  en  eux  (comme  ils  sont  contempteurs  de  Dieu),  voila  pourquoi  il  est  expressement  et  plus  au  long  parle  de  ces  hautains,  qui  s'oublient,  et  qui  se  font  a  croire  merveilles  de  leur  vertu.  Car  si  les  hommes  n'avoyent  en  eux  ceste  arrogance  de  mespriser  Dieu:  il  est  certain  qu'ils  se  tiendroyent  cois,  ils  ne  lascheroyent  point  ainsi  la  bride  a  leurs  cupiditez.  Il  faut  donc  que  l'orgueil  nous  transporte,  quand  nous  usons  d'outrage  et  de  violence  k  l'encontre  de  nos  prochains,  que  nous  pillons  l'un,  que  nous  ravissons  la  substance  de  l'autre,  que  nous  usons  de  toute  malice:  c'est  signe  qu'il  n'y  a  nulle  crainte  de  Dieu  en  nous,  que  nous  ne  cognoissons  pas  mesmes  que  nous  sommes  mortels.  Car  celui  qui  cognoistra  qu'il  a  seulement  a  passer  par  ce  monde,  et  que  sa  vie  est  fragile  et  caduque:  il  est  certain  qu'il  sera  retenu  de  ceste  seule  consideration.  Et  ainsi  il  faut  bien  que  les  hommes  soyent  ensorcelez,  et  qu'ils  ne  cognoissent  plus  quels  ils  sont,  ne  quelle  est  leur  condition,  quand  ils  se  desbordent.  Et  defait  voila  pourquoi  le  Prophete  Habacuc  (2,  4)  quand  il  dit,  Que  le  iuste  vivra  de  foi,  a  l'opposite  prononce,  que  toute  hautesse  sera  abbatue.  Et  qu'entend-il  par  toute  hautesse?  Il  entend  toute  rebellion  contre  Dieu,  et  malice  contre  les  hommes:  mais  il  use  de  ce  mot  de  hautesse,  pource  que  l'homme  se  mescognoist,  et  est  comme  forcene,  quand  il  se  desborde  ainsi  pour  despiter  son  Dieu.  Or  maintenant  on  pourra  demander  si  Dieu  extermine  de  ce  monde  tous  orgueilleux:  car  on  voit  plustost  qu'il  les  espargne,  et  leur  met  la  bride  sur  le  col,  qu'ils  font  leurs  triomphes  a  plaisir.  Mais  notons  que  ce  n'est  point  a,  nous  d'assigner  le