25:457  457  COMMENTARIUS  IN  IOSUE  CAP.  V.  458  duli,  ex  cognitione  tamen  operum  Dei  illis  extorqueri  hanc  confessionem.  Terum  quia  nihil  illis  profuit,  scire,  quanta  esset  Dei  fortitudo,  discernit  eos  Iosue  ab  Israelitis,  quibus  peculiarem  scientiam  attribuit,  nempe  quae  generet  serium  Dei  timorem.  Ut  cognoscant  gentes,  inquit  :  tu  vero  timeas  Deum  tuum.  Ergo  dum  lucem  tenebris  suis  obruunt  increduli,  discamus  ex  consideratione  operum  Dei  proficere  in  timore  eius.  Addit,  cunctis  diebus,  quia  gratia  de  qua  nunc  agitur  in  plures  aetates  diffusa  fuit.  CAPUT  Y.  1.  Fuit  autem  quum  audissent  omnes  reges  Aemorrhaei  qui  erant  trans  Iordanem  ad  Occidentem,  et  omnes  reges  Chananaei,  qui  iuxta  mare,  quod  siccasset  Iehova  aquas  Iordanis  a  facie  filiorum  Israel  donec  transirent,  liquefactum  fuit  cor  eorum,  neque  fuit  amplius  in  eis  spiritus  a  facie  filiorum  Israel.  2.  Eo  tempore  dixit  Iehova  ad  Iosuam:  Fac  tibi  cultros  acutos,  et  iterum  circumcide  filios  Israel  secundo.  3.  Et  fecit  sibi  Iosue  cultros  acutos,  circumciditque  filios  Israel  in  colle  praeputiorum.  4.  Haec  autem  est  causa  cur  circumciderit  Iosua.  Universus  populus  qui  egressus  fuerat  ex  Aegypto,  masculi  omnes  viri  bellatores  mortui  erant  in  deserto  in  itinere  posteaquam  egressi  erant  ex  Aegypto.  5.  Nam  circumcisus  fuerat  totus  populus  qui  egressus  est,  at  totum  populum,  qui  natus  fuerat  in  deserto  in  itinere,  postquam  egressi  erant  ex  Aegypto,  non  circumciderant.  6.  Nam  quadraginta  annis  ambulaverunt  filii  Israel  per  desertum,  donec  consumeretur  universa  gens  virorum  bellatorum,  qui  egressi  fuerant  ex  Aegypto,  qui  non  audierant  vocem  Iehovae,  quibus  iuraverat  Iehova  quod  non  ostenderet  terram  de  qua  iuraverat  Iehova  patribus  eorum  se  daturum  illis  terram  fluentem  lacte  et  melle.  7.  Filios  itaque  eorum  quos  substituit  in  locum  ipsorum  circumcidit  Iosue,  quia  incircumcisi  erant:  neque  enim  eos  circumciderat  in  itinere.  8.  Quum  autem  fuit  circumcisus  universus  populus  manserunt  in  loco  suo  in  castris  donec  sanarentur.  9.  Dixit  Iehova  ad  Iosuam:  Hodie  devolvi  opprobrium  Aegypti  a  vobis.  Et  vocavit  nomen  loci  illius  Gilgal,  usque  in  hunc  diem.  1.  Fuit  autem  quum  audissent.  Huc  usque  apud  eos  valuit  agnitio  formidabilis  Dei  potentiae,  ut  pavore  attoniti  deficerent:  verum  animos  eorum  non  flexit  ad  quaerendum  mali  remedium.  Liquefactum  ergo  fuit  cor  eorum,  quia  consilio  et  viribus  destituti  se  non  moverunt:  sed  quoad  contumaciam,  eadem  semper  durities  eos  constrinxit.  Et  iam  alibi  vidimus  sic  terrore  exanimari  incredulos:  ut  tamen