20:457  457  SUPPLEMENTUM.  458  ceas.  Et  quam  interea  pacem  cum  tua  conscientia  habere  potes?  Non  est  necesse  enumerare,  quae  te  istic  retineant.  Sed  non  tanti  esse  omnia  agnoscis,  ut  tam  indigna  mercede  redimantur.  Bellum  enim  te  cum  Deo  suscipere  non  ignoras,  ut  pacem  habeas  cum  hominibus.  Hoc  vero  omnium  pessimum,  quod  in  hoc  labyrintho  adeo  nullus  errandi  finis  apparet  ut  te  indies  magis  involvas.  Nam  de  exitu  nulla  iam  fieri  mentio  dicitur.  Vide,  obsecro,  ne  uxori  et  sub  eius  praetextu  tibi  delitias  faciens  iram  in  te  summi  iudicis  provoces.  Nihil  dico,  nisi  quod  mihi  audire  et  expediret,  et  optabile  foret,  si  tuo  loco  essem.  In  illa  enim  procellosa  caligine  saepius  hominem  ante  opprimere  mors  solet  quam  sentiatur.  Itaque  melius  ex  sereno  loco  tua  pericula  cernere  mihi  videor.  Neque  vero  migrationem  urgeo,  quasi  nusquam,  nisi  apud  nos,  salvus  esse  nequeas.  Tantum  vereor,  ne  accensus  in  te  pii  zeli  ignis  vel  sopiatur,  vel  evanescat.  Haec  sollicitudo  non  ex  constantiae  tuae  diffidentia,  sed  ex  singulari  erga  te  amore  nascitur.  Vale,  ornatissime  vir  et  honorande  in  Domino  frater.  Dominus  Iesus  te  spiritu  consilii  et  fortitudinis  instruat.  Amen.*)  4188.  ZEVELIUS  CALVINO.  Quaerit  quem  cursum  tenere  debeat  quoad  externos  ritus  pontificiorum  in  sua  conversatione  cum  its.  (Ex  duobus  apographis  Cod.  Paris.  Dupuy  102,  fol.  105  et  176  sine  inscriptione.)  S.  Amicissime  D.  Calvine.  Valde  dolemus  quod  nuper,  quum  una  vobiscum  Genevae  essemus,  oblatam  occasionem  non  arripuerimus  et  tecum  de  magnis  quibusdam  rebus  coram  contulerimus.  Quanquam  id  sane,  ut  verum  fatear,  non  neglexerimus.  Sed  tu,  uti  scis,  ita  semper  negotiis  et  studiis  impeditus  fuisti,  ut  vix  satis  ad  colloquendum  tempus  suppetierit.  Itaque  per  literas  nunc  tentare  voluimus  an  id  quod  tum  in  animo  habuimus  iam  per  literas  commodius  efficere  possemus.  Principio  multi  pii  adolescentes,  qui  partim  cum  Crispino  vestro  praeterita  aestate  habitarunt,  partim  cum  concionatore  quodam  vestro,  pio  viro  4187.  1)  Beza  ad  a.  1557  refert