35:456  dit,  Quiconques  s'exaltera  sera  abbatu.  Notons  bien  donc,  que  Dieu  a  une  guerre  mortelle  et  irreconciliable  contre  tous  ceux  qui  ne  se  tiennent  point  en  leur  mesure,  qui  ne  cognoissent  point  leur  petitesse  pour  s'humilier,  mais  qui  se  veulent  faire  grands:  qu'il  faut  que  Dieu  les  rencontre,  et  qu'ils  heurtent  ensemble.  Si  ceci  estoit  bien  cognu,  il  ne  faudroit  plus  tant  de  sermons  pour  nons  amener  a  humilite.  Car  n'est-ce  pas  une  chose  horrible,  que  les  vers  de  terre  viennent  de  propos  delibere  batailler  contre  Dieu?  Or  est-il  ainsi,  que  tous  ceux  qui  presument  d'eux-mesmes,  qui  cuident  valoir  quelque  chose,  qui  se  font  a  croire  d'estre  ou  sages,  ou  vertueux,  ou  iustes,  tous  ceux-la,  di-ie,  font  la  guerre  a  Dieu.  S'ils  ne  le  disent  de  bouche,  c'est  tout  un:  car  la  chose  est  telle:  et  voila  Dieu  qui  nous  declare  que  l'homme  ne  peut  se  iustifier  en  soi,  que  quant  et  quant  il  ne  vienne  heurter  au  ciel.  Ainsi  donc  quand  nous  serions  bien  persuadez  de  ceste  doctrine,  Que  tous  orgueilleux  sont  ennemis  de  Dieu,  et  provoquent  son  ire  contre  eux:  nous  cheminerions  en  autre  modestie  et  simplicite  que  nous  ne  faisons  pas.  Mais  quoi?  ll  nous  semble  que  Dieu  se  doive  retirer  pour  nous  faire  place.  Et  voila  comme  les  hommes  s'enyvrent.  Or  tant  y  a  que  si  auiourd'hui  nous  n'escoutons  ceste  doctrine  pour  nous  y  ranger:  en  la  fin  nous  .sentirons  par  experience  que  ce  n'est  pas  en  vain  qu'il  est  dit,  Que  le  regard  de  Dieu  est  sur  les  hautains^  pour  les  racler  de  ce  monde,  et  qu'il  n'y  a  plus  que  les  debonnaires  qui  ayent  heritage  perpetuel.  Mais  pour  mieux  faire  nostre  profit  de  ceste  doctrine,  notons  bien  quels  sont  les  orgueilleux.  Car  l'orgueil  ne  sera  pas  tousiours  cognu  des  hommes  pour  le  condamner:  mais  quiconques  se  fie  en  sa  vertu,  quiconques  presume  de  sa  iustice  ou  sagesse,  quiconques  s'enyvre  en  sa  grandeur  et  en  son  credit,  quiconques  (bref)  passe  sa  mesure,  celuila  est  orgueilleux  devant  Dieu.  Et  comment  est-ce  que  les  hommes  passent  leur  mesure?  Quand  ils  cuident  avoir  une  seule  goutte  de  bien:  et  iusques  a  tant  que  nous  soyons  comme  aneantis,  il  n'y  a  point  de  modestie  ne  d'humilite  en  nous.  Et  au  reste,  quand  Dieu  nous  aura  fait  quelques  graces,  qu'il  nous  aura  revestus  des  dons  de  son  sainct  Esprit  :  que  cela  ne  nous  face  point  lever  les  cornes  contre  lui  pour  le  despiter.  Quand  nous  aurons  un  bon  esprit  et  bien  aigu,  ce  n'est  point  de  nostre  sens  propre:  et  pourtant  il  ne  faut  point  que  nous  prenions  occasion  de  nous  eslever  a  cause  de  cela:  car  nous  en  sommes  tant  plus  tenus  a  Dieu.  Et  au  reste  que  celui  qui  est  le  plus  grand,  tasche  de  servir  aux  petits,  et  qu'il  ne  mesprise  point  ceux  que  Dieu  a  honorez  pour  les  mettre  d'un  rang  avec  lui.  Quand  donc  nous  cuiderons  estre  quelque  chose  en  nous,  ou  bien  que  sous  ombre  des  graces