32:456  tousiours  revenir  a  ceste  fin,  que  son  nom  soit  glorifie  en  nous.  Voycy  a  quoy  tend  l'argument  du  Pseaume.  Le  peuple  de  Dieu  estant  afflige  par  les  infideles,  le  prie  qu'il  ne  permette  point  qu'ils  soyent  du  tout  destituez.  Comme  si  les  fideles  disoyent:  Seigneur,  voicy  les  iniques  qui  nous  affligent,  nous  avons  bien  merite  d'estre  destruits,  nous  ne  sommes  pas  dignes  que  tu  nous  subvienne,  aussi  ne  regarde  point  h  nostre  dignite:  mais  considere,  Seigneur,  que  ton  nom  sera  blaspheme,  les  meschans  ne  nous  penseront  point  seulement  avoir  vaincus.  Nous  portons  ta  marque.  Ilz  diront,  ou  est  leur  Dieu?  en  se  moquant  de  toy.  Seigneur,  veux  tu  souffrir  que  ton  nom  soit  ainsi  blaspheme?  Voila  ou  il  nous  faut  appliquer  la  priere,  qui  est  au  Pseaume  present.  Quand  Dieu  laschera  la  bride  aux  iniques,  ii  le  faut  invoquer.  Comment?  Confessans  que  nons  ne  sommes  point  dignes  qu'il  nous  delivre,  n'allegans  point  noz  merites:  mais  luy  proposant  l'honneur  de  son  nom.  Et  au  reste  que  nous  mettions  nostre  confiance  la  que  nous  avons  nostre  Dieu  qui  nous  a  receus  en  sa  sauvegarde.  Il  nous  maintiendra  quoy  qu'il  y  ayt.  Nulle  puissance  ne  se  peut  eslever  contre  luy,  sinon  a  sa  confusion.  Toute  la  gloire  des  iniques  est  meschante  et  perverse,  elle  n'est  fondee  sinon  en  impiete  et  en  abomination.  Ilz  se  conflent  en  des  idoles,  mais  nous  avons  le  Dieu  vivant,  qui  dispose  des  creatures  a  sa  volunte.  Mais  encore  il  nous  faut  noter  l'ordre  qui  est  icy  tenu  par  le  Prophete.  Premierement  il  dit:  Non  point  a  nous  Seigneur,  ne  nous  donne  point  gloire,  mais  a  ton  nom.  Pour  plus  grande  vehemence  cela  est  repete.  Non  point  a  nous,  Non  point  a  nous.  Or  en  cecy  il  y  a  une  protestation  enclose,  c'est  quand  nous  requerons  Dieu,  afin  qu'il  nous  soit  en  ayde  contre  les  meschans,  nous  n'allegons  point  nostre  dignite,  nous  n'apportons  nulle  vanterie  comme  si  nous  avions  deservy  qu'il  nous  aydast,  mais  le  contraire.  Seigneur,  ne  regarde  point  qui  nous  sommes,  car  nous  confessons  que  nous  avons  bien  merite  que  tu  nous  exposes  a  la  cruante  des