25:456  19.  Populus  autem.  Cur  notetur  dies  quo  terram  ingressi  sunt,  et  in  ea  prima  castra  locarunt  videbimus  proximo  capite.  Nomen  vero  primae  stationis  Gilgal  ponitur  mja  TtQOXqyw:  quia  sic  postea  vocatus  fuit  a  Iosue  post  novam  circumcisionem  :  et  etymologia  suo  loco  videbitur.  Porro  hic  praecipue  agitur  de  monumento  duodecim  lapidum:  cuius  etsi  facta  ante  fuerat  mentio,  nunc  tamen  quasi  solennis  dedicatio  narratur:  nempe  quod  Iosue  non  modo  exstruxerit  acervum,  sed  eius  usum  commendaverit  populo,  ut  a  patribus  ad  filios  celebris  vigeret  gratiae  Dei  memoria.  Quum  vero  filios  sciscitantes  inducit  quid  sibi  velint  lapides  illi,  colligimus  ita  fuisse  dispositos,  ut  spectantium  sensum  afficerent.  Nam  si  temere  nulloque  ordine  fuissent  congesti,  nunquam  posteris  in  mentem  venisset  de  significatione  inquirere.  Ergo  in  collocatione  fuit  notabilis  ratio,  quae  non  permitteret  spectaculum  illud  negligi.  Caeterum  quia  foedus  Dei  quo  genus  Abrahae  adoptaverat  continua  serie  firmum  erat  in  mille  aetates,  propter  corporis  unitatem  quod  Deus  patribus  mortuis  praestiterat  beneficium  ad  filios  communiter  transfertur,  qui  longo  post  tempore  nati  erant.  Atque  haec  coniunctio  vehementius  excitare  debuit  eorum  animos:  quia  admoniti  hoc  modo  fuerunt  posteri,  quod  pridem  maioribus  datum  fuerat,  ad  se  quoque  pertinere.  Alioqui  frigide  exceptum  fuisset  responsum,  si  ad  unum  diem  restricta  fuisset  Dei  gratia.  Verum  ubi  audiunt  filii  filiorum  siccatum  a  facie  sua  fuisse  Iordanem  multis  antequam  nascerentur  saeculis,  agnoscunt  se  illum  esse  populum,  erga  quem  se  protulerat  mirificus  ille  Dei  favor.  Eadem  ratio  est  de  arefacto  mari  rubro,  quamvis  res  non  adeo  vetusta  foret.  Certe  duo  soli  erant  superstites  Caleb  et  Iosue,  qui  egressi  essent  ex  Aegypto:  sic  tamen  alloquitur  totum  populum  ac  si  oculatus  esset  testis  miraculi:  Siccavit  a  facie  nostra  Deus  mare  rubrum.  Nempe  quia  in  gratiam  perpetuae  adoptionis,  quae  a  patribus  ad  filios  transibat,  id  fuerat  factum.  Porro  transitum  maris  rubri  in  memoriam  revocari  operae  pretium  fuit,  non  modo  ut  similitudo  miraculi  fidem  faceret:  verum  ut  audita  Iordanis  historia  simul  renovaretur  superius  illud  miraculum,  quamvis  nullum  eius  visibile  symbolum  ante  oculos  exstaret.  24.  Ut  cognoscant  omnes  populi.  Commemorat  Deum  illud  edidisse  potentiae  suae  specimen,  non  ut  tantum  praedicaretur  in  populo  suo,  sed  ut  fama  longe  lateque  spargeretur  inter  gentes.  Etsi  enim  laudem  suam  voluit  residere  in  Sion:  voluit  tamen  opera  sua  aliquatenus  innotescere  extraneis,  ut  fateri  cogerentur  eum  esse  verum  Deum:  et  quem  libenter  sprevissent  eum  inviti  metuerent,  sicuti  in  cantico  Mosis  dicitur:  Inimici  nostri  sunt  iudices  (Deut.  32,  31).  Significat  enim,  velint  nolint  incre-