35:455  455  SERMON  CL  V  456  puissant:  mais  quoi  qu'il  en  soit,  il  veut  que  sa  iustice  soit  cognue  parmi,  et  qu'on  confesse  (comme  aussi  la  chose  le  monstre)  que  cela  est  pour  dompter  les  appetits  de  tous  ceux  qui  se  submettent  a  sa  maieste,  et  qui  s'y  assuiettissent  :  au  contraire,  qu'il  foudroye  sur  ceux  qui  presument  par  trop  d'eux,  et  qui  s'enorgueillissent,  et  qui  usent  de  repliques  et  de  contradictions  pour  faire  que  Dieu  leur  soit  ennemi  mortel.  Or  comme  il  a  este  parle  de  la  voix  ci  dessus,  ainsi  maintenant  nous  faut-il  traitter  de  la  veue  et  du  regard.  Les  fideles  demandent  a  Dieu  qu'il  leur  monstre  sa  face:  car  voila  aussi  ou  gist  tout  nostre  ioye,  et  felicite  et  salut:  comme  il  en  est  parle  au  Pseaume  (80,  4),  Seigneur  monstre  nous  ta  face.  Et  nous  serons  garentis.  Voila  tout  nostre  bien,  voila  tout  nostre  contentement,  et  tous  nos  souhaits.  Qu'est  ce  donc  qui  nous  est  le  plus  desirable?  C'est  le  regard  de  Dieu:  comme  a  l'opposite  quand  il  nous  tourne  le  dos,  quand  il  se  cache  de  nous,  il  faut  que  nous  soyons  comme  perdus  et  desesperez:  car  il  n'y  a  rien  ou  l'homme  puisse  se  reposer,  sinon  quand  il  cognoist  que  Dieu  a  le  soin  de  lui.  Cependant  donc  que  Dieu  daigne  avoir  l'oeil  sur  nous,  il  y  a  de  quoi  nous  esiouyr,  nous  sommes  asseurez  qu'il  nous  maintiendra,  et  qu'il  ne  nous  faut  rien  craindre  :  mais  si  Dieu  nous  met  en  oubli,  nous  sommes  estonnez,  et  non  sans  cause:  car  nous  sommes  comme  exposez  en  proye  a  Satan,  cent  mille  morts  nous  environnent,  et  n'y  a  point  de  remede.  Nous  voyons  donc  que  le  regard  de  Dieu  est  a  souhaitter,  voire  quand  nous  venons  a  lui  en  toute  humilite,  et  avec  un  courage  et  vraye  affection  d'adherer  a  lui.  Mais  si  nous  eslevons  nos  sourcils,  comme  il  en  est  parle  en  l'autre  passage,  et  que  nous  ayons  un  front  d'airain,  que  nous  soyons  enflez  pour  nous  faire  valoir  quant  a  Dieu  comme  par  despit  de  lui:  o  il  faudra  qu'il  nous  regarde  d'un  autre  oeil:  ce  ne  sera  plus  pour  nous  esiouyr,  mais  ce  sera  pour  nous  abysmer  du  tout.  Il  ne  faudra  donc  qu'un  seul  regard  de  Dieu,  pour  racler  les  hommes  de  ce  monde,  quand  ils  voudront  avoir  un  regard  de  fierte  contre  lui.  Et  ainsi  apprenons  ce  qui  est  ici  dit:  c'est  assavoir,  que  quand  Dieu  regarde  les  orgueilleux,  c'est  pour  les  abysmer  du  tout.  Et  pourquoi?  D'autant  qu'ils  ont  eu  un  mauvais  regard.  Sur  cela  haissons  la  teste,  tendons  a  Dieu,  faisons  lui  hommage:  et  cependant  prionsle  qu'il  nous  illumine  les  yeux,  afin  que  nous  le  cerchions  comme  nostre  Pere,  et  que  nous  soyons  regardez  de  lui  en  telle  sorte,  que  nous  ayons  la  toute  perfection  de  ioye,  que  nous  y  ayons  un  vrai  contentement  pour  nous  reposer.  Or  cependant  il  nous  est  monstre  en  ce  passage,  que  l'office  de  Dieu  (comme  souvent  l'Escriture  en  parle)  est  de  renverser  ceux  qui  se  veulent  eslever:  selon  qu'il  est