54:454  Iesus  Christ,  qui  nous  a  appelez  a  ceste  condition  que  nous  combations,  sous  son  enseigne  contre  tous  ceux  qui  se  voudront  elever  pour  vilipender  et  mettre  en  mespris  sa  parole,  et  pour  la  falsifier:  il  faut  qu'elle  soit  receue  en  telle  reverence  qu'elle  merite.  Ainsi  donc  ceux  qui  ne  voudront  point  estre  rudement  traittez  par  la  parole  de  Dieu,  qu'ils  advisent  de  ne  se  point  rebecquer,  et  qu'en  premier  lieu  ils  recoyvent  la  doctrine  de  verite,  et  qu'ils  nourrissent  paix  et  concorde  avec  le  troupeau.  Voila  pour  un  item.  Pour  le  second,  qu'ils  ne  taschent  point  de  remplir  le  monde  de  leur  zizanie  infernale,  qu'ils  ne  mesprisent  point  Dieu,  se  iouans  de  sa  parole,  mais  qu'ils  se  tienent  sous  la  crainte  d'icelle,  voire  iusques  a  y  trembler:  comme  le  Prophete  Isaie  ea  parle,  que  l'Esprit  de  Dieu  reposera  sur  ceux  qui  tremblent  a  sa  parole.  Que  ceux  qui  ne  voudront  point  estre  rudement  traittez,  advisent  s'ils  ont  este  dissolus  pour  un  temps,  de  se  ranger,  et  de  reformer  leur  vie,  tellement  qu'ils  cognoissent  qu'on  est  contraint  de  leur  faire  la  guerre  s'ils  ne  s'amendent  et  se  changent.  Si  un  paiilard,  ou  un  yvrongne,  ou  un  blasphemateur  se  baigno  en  son  ordure,  se  faut-il  esbahir  si  les  serviteurs  de  Dieu  luy  font  la  guerre?  Si  on  avoit  mis  un  homme  en  quelque  maison  de  village,  et  qu'on  l'eust  la  constitue  metayer  pour  garder  les  champs  et  les  vignes,  s'il  voit  que  les  larrons  entrent  pour  tout  ravir,  et  cependant  qu'il  face  semblant  de  rien,  et  qu'il  s'enferme,  qu'il  face  du  borgne,  n'est-il  point  complice  de  tous  les  larrons?  et  mesmes  n'est-il  point  pire  que  ceux  qui  ont  fait  le  mal,  d'autant  qu'on  s'est  attendu  a  luy,  et  qu'on  se  desfioit  des  autres?  Ainsi  quand  nous  verrons  que  les  meschans  pervertissent  toute  crainte  de  Dieu,  et  toute  honnestete,  qu'ils  ne  demandent  que  d'empuantir  tout  par  leurs  pollutions,  si  nous  dissimulons,  et  que  nous  ne  resistions  point  a  telles  gens,  nous  sommes  cause  de  tout  le  mal.  Il  ne  faut  point  donc  qu'ils  se  plaignent  quand  ils  seront  aigrement  reprins.  Car  s'ils  se  veulent  donner  une  telle  licence,  il  faut  en  premier  lieu  qu'ils  aneantissent  l'ordre  que  nostre  Seigneur  Iesus  Christ  a  institue.  Ainsi  cognoissons  toutesfois  et  quantes  qu'il  y  a  des  contredisans,  c'est  a  dire  que  la  parole  de  Dieu  n'est  point  receue  en  telle  reverence  comme  elle  doit,  qu'il  faut  que  nous  ayons  la  guerre.  Et  si  ceux-la  disent,  Ho,  comment  on  crie,  comment  on  tempeste?  Ce  sont  ceux  qui  font  le  bruit;  d'autant  qu'il  n'y  a  nulle  foy,  nulle  religion,  nulle  crainte  pour  cheminer  en  l'obeissance  de  Dieu,  qu'ils  ne  cessent  de  troubler  tous,  il  faut  bien  que  nous  leur  resistions,  quand  ils  taschent  d'arracher  le  Fils  de  Dieu  de  son  siege,  qu'ils  veulent  pervertir  son  regne  en  ce  monde,  et  mettre  tout  en  confusion��  29*