5:454  de  maintenir  ceste  abomination,  Font  voulu  couvrir  autrement.  C'est  que  Iesus  Christ,  en  instituant  le  Sacrement,  ne  parloit  qu'a  ses  Apostres,  qu'il  avoit  erigez  en  ordre  sacerdotal.  Mais  que  respondront-  ilz  a  ce  que  dit  sainct  Paul,  qu'il  a  baille  a  [pag.  57]  tout  le  peuple  Chrestien  ce  qu'il  avoit  receu  du  Seigneur;  c'est  que  chascun  mange  de  ce  pain  et  boyve  de  ce  calice?  Et  de  faict,  qui  leur  a  revele  que  nostre  Seigneur  donnoit  a  ses  Apostres  la  Cene  comme  a  des  Prestres?  Car  les  parolles  chantent  au  contraire,  quand  il  leur  commande  de  faire  apres  a  son  exemple.  Il  leur  baille  doncq  la  reigle  laquelle  il  veult  estre  tenue  a  tousiours  en  son  Esglise.  Comme  aussi  il  a  este  tenu1)  anciennement,  iusque  a  ce  que  Antechrist,2)  ayant  gaigne  la  tyrannie,  a  dresse  ouvertement  les  cornes  contre  Dieu  et  sa  merite,  pour  la  destruire  totallement.  Nous  voyons  doncq  que  c'est  une  perversite  intolerable,  de  diviser  ainsi  et  descirer  le  Sacrement,  separant  les  parties  que  Dieu  a  conioinctes.  Pour  faire  fin,  nous  comprendrons  soubz  un  article  ce  qui  se  pourroit  autrement  distinguer.  C'est,  que  le  Diable  a  introduict  la  maniere  de  celebrer  la  Cene  sans  aucune  doctrine,  et  au  lieu  [pag.  58]  de  la  doctrine  a  substitue  force  ceremonies,  en  partie  ineptes  et  de  nulle  utilite,  en  partie  aussi  dangereuses,  et  dont  il  s'est  ensuivy  beaucoup  de  mal.  Tellement  que  la  Messe,  laquelle  on  tient  pour  Cene  en  l'Esglise  papalle,  pour  la  bien  definir,  n'est  qu'une  pure  singerie  et  bastelerie.  Ie  l'appelle  singerie,  pource  qu'on  veult  la  contrefaire  la  Cene  du  Seigneur  sans  raison,  comme  un  singe,  inconsiderement  et  sans  discretion,  ensuit  ce  qu'il  voit  faire.  Que  ainsi  soit,  le  principal  que  le  Seigneur  nous  a  recommande,  est  de  celebrer  ce  mystere  avec  vraye  intelligence.  Il  s'ensuit  doncq  que  la  substance  gist  en  la  doctrine.  Icelle  ostee,  ce  n'est  plus  qu'une  ceremonie  froide  et  sans  efficace.  Cela  non  seullement  est  monstre  par  l'Escriture,  mais  aussi  testifie  par  les  canons  du  Pape,  en  une  sentence  alleguee  de  sainct  Augustin,  ou  il  demande  que  c'est  que  l'eaue  du  baptesme  sans  la  parolle,  sinon  un  element  corruptible;  et  la  parolle,  non  pas  d'autant  [pag.  59]  qu'elle  est  prononcee,  mais  entendue.3)  II  signifie  en  cela  que  les  Sacremens  prennent  leur  vertu  de  la  parolle,  quand  elle  est  preschee  intelligi)  elle  a  este  tenue,  1542  ss.  2)  l'Antechrist,  1549  ss.  3)  et  la  parolle,  non  pas  d'autant  qu'elle  est  prononcee,  mais  entendue,  1541.  Nous  avons  change  la  ponctuation  pour  trouver  le  vrai  sens  qui  est  plus  clairement  exprime  par  les  editions  suivantes:  la  parole,  dit-il  incontinent  apres,  non  pas  d'autant  qu'elle  est  prononcee,  mais  entendue.  Le  traducteur  a  mis:  quid  sit  baptismus  sine  verbo  .  .  .  .  verbo,  ut  statim  subiicit,  non  ex  eo  quod  pronunciatur,  sed  quod  intelligitur.  (August,  in  Ioann,  tract.  80.)  29*