40:454  asserere  sibi  laudem  iustitiae  et  rectitudinis.  AtqQ)  simul  autoritatem  suam  in  medio  statuit,  ut  incutiat  terrorem  vesanis  illis,  qui  ita  audebant  se  opponere  eius  imperio,  et  ipsum  subiicere  ad  reddendam  rationem.  Nunc  ergo  tenemus  quo  consilio  dicat  se  iudicaturum  eos  omnes  secundum  vias  ipsorum,  hoc  est,  quamvis  non  fateamini  vos  esse  dignos  interitu,  satis  est  quod  ego  qui  sum  legitimus  iudex  ita  pronuntio.  Iudicabo  igitur  vos  recte,  quia  secundum  vias  vestras,  sed  pro  summa  potestate,  ut  cessent  querimoniae  omnes  vestrae,  et  fremitus.  Postea  hortatur  eos  ad  resipiscentiam,  atque  ita  significat  nullum  aliud  esse  remedium,  quam  ut  sibi  displiceant  in  suis  sceleribus,  ac  deprecentur  vindictam.  Unde  colligimus,  homines  ideo  tam  licentiose  insurgere  contra  Deum,  quoniam  vagantur  extra  se,  quia  si  descenderent  in  se  ipsos,  et  sincere  examinarent  totam  suam  vitam,  statim  humiliarentur  coram  Deo:  deinde  cogitatio  illa  eos  stimularet  ad  resipiscentiam.  Sed  quia  conscientia  ipsorum  stupida  est,  et  sponte  etiam  obbrutescunt,  hinc  fit  ut  ita  audacter  Deum  blasphement.  Ex  opposito  nunc  remedium  profert  Deus  si  resipiscant,  et  se  ipsos  reducant  a  suis  sceleribus.  Verbum  convertendi  refertur  ad  renovationem  animi  et  cordis.  Nam  hoc  quoque  initium  est  poenitentiae,  ut  mente  intus  renovemur,  quemadmodum  dicit  Paulus,  et  ita  fiamus  novi  homines.  Et  hoc  notatu  dignum  est,  quia  multi  quum  agitur  de  resipiscentia,  defixos  habent  oculos  in  fructus  externos  poenitentiae.  Atqui  a  radice  incipiendum  erat.  Hoc  ergo  nunc  docet  propheta  quum  dicit,  convertimini.  Sed  postea  addit  lZWm,  et  reducite.  Hoc  secundum  verbum  ad  testimonia  poenitentiae  referri  debet.  Nam  quemadmodum  ordine  praecedit  interior  conversio,  ut  scilicet  abdicemus  nos  propriis  vitiis,  renuntiemus  carni  et  sanguini:  ita  sequi  oportet  fructus  poenitentiae,  vel  testimonia:  quemadmodum  etiam  dicebat  Ioannes,  Proferte  fructus,  qui  testentur  vestram  poenitentiam.  Videmus  ergo  prophetam  hic  incipere  a  puritate  cordis,  deinde  etiam  venire  ad  manus,  quemadmodum  et  alibi  scriptura  loquitur,  hoc  est  ad  externa  opera.  Dicit  a  cunctis  iniquitatibus  vestris,  vel  sceleribus,  ut  ostendat  dimidiam  poenitentiam  non  probari  Deo.  Verum  quidem  est,  etiam  qui  summopere  et  toto  affectu  animi  contendunt  ad  recte  agendum,  non  tamen  ita  defungi  suo  officio,  quin  semper  multa  vitia  residua  maneant:  sed  hic  non  agitur  de  perfectione,  ac  tantum  de  sincero  affectu  et  serio  conatu.  Modo  itaque  serio  studeamus  redire  in  viam,  et  placidis  ac  sinceris  animis  nos  humiliare,  haec  est  integritas  quam  nunc  exigit  propheta.  31.  Proiicite  a  vobis  omnes  iniquitates  in  quibus  inique  egistis:  et  facite  vobis  cor  novum,  et  spiritum  novum:  et  quare  moriemini,  domus  Israel?  29*