9:453  453  AD  PRAECENTOREM  LUGDUNENSEM.  454  Si  qua  in  nobis  apparent  signa  pietatis,  ea  vilipendit  Gabriel,  quod  haereticorum  sacrificia  Deus  non  probet.  Esne  mentis  compos,  qui  quum  nuper  dixeris  omni  excusso  pudore  nos  agere  vitam  beluinam,  nuno  pietatis  et  aliarum  virtutum  speciem  nobis  concedens,  laudem  omnem  deformes  una  Haereseos  nota?  Quasi  vero  aliquam  in  nobis  haeresin  demonstraveris:  nisi  forte,  Ieremiae  verbis,  quae  mox  citas,  nos  existimes  reos  peragi:  Nolite,  inquit  ille  (23,  16),  audire  verba  prophetarum  qui  visiones  cordis  sui  loquuntur,  et  non  ex  ore  meo.  Item:  Currebant,  et  non  mittebam  eos  (ib.  v.  21).  Placet  sane  conditio,  neminem  esse  audiendum,  nisi  qui  ex  ore  Domini  loquitur.  Quid  ergo  papae  fiet?  cui  commune  principium  est  cum  Mahumete,  fidem  perperam  affigi  scripturis,  sed  a  spiritus  revelatione  pendere.  Nos  autem  ex  eodem  prophetae  (23,  28)  loco  regerimus:  1)  Propheta  apud  quem  est  sermo  meus,  proferat  sermonem  meum  verum.  Quid  paleis  ad  triticum?  Porro  quoniam  audet  sacrilegus  iste  proferre  horribilem  illam  Pauli  sententiam:2)  Evanescere  in  suis  cogitationibus  [pag.  52]  omnes  qui  Deum  cognitum  non  glorificant:  sicut  olim  Achan  hortatus  est  Iosue  (7,  19)  ad  dandam  gloriam  Deo,  ita  si  esset  sanabilis,  libenter  eum  commonefacerem,  ut  saltem  ad  momentum  susciperet  cogitationem  hominis  sobrii,  quia  certe  mox  eum  sui  dedecoris  puderet.  Sed  quomam  in  reprobum  sensum  coniectus  videtur,  paucis  verbis  quas  in  clausula  Praefationis  evomit  calumnias  expediam.  Quo  odiosum  reddat  Lutheri  nomen,  et  in  eius  persona  totam  nostram  doctrinam  infamet,  commemorat  quam  obscurum,  debile  et  contemptum  fuerit  exordium:  progressu  vero  temporis  exiguas  scintillas  in  magnum  incendium  erupisse.  Quid,  obsecro,  fecisset  Lutherus,  cui  scintilla  tantum,  et  quidem  obscurae  lucis,  emicuerat?  Protulit  ergo  ingenue  quod  sciebat,  hoc  est,  paulo  plus  quam  nihil.  Attollit  tamen  cothurnos  Gabriel,  et  Lutherum  atrociter  accusat,  quod  secum  in  plerisque  dissideat,  quod  papam,  quem  initio  reveritus  est,  habere  postea  coepit  pro  Antichristo  :  purgatorium,  quod  se  credere  profossus  erat,  merum  figmentum  esse  dicit:  sanctorum  denique  invocationem,  sacrificium  missae  et  fictitios  cultus  sustulit,  tyrannicum  legem  de  caelibatu  et  confessione  abrogavit.  Mirum  cur  non  in  crimen  voces,  quod  non  loquutus  etiam  fuerit  antequam  prodiret  e  matris  utero.  Plus  tibi  largior  quam  sumas.  Indulgentias  vocabat  initio  pias  fraudes.  Inscite  omnino:  [pag.  53]  nempe  quia  nondum  tenebat  a  pro-  1)  nous  luy  donnerons  contre  le  museau.  2)  Tale  aliquid  apud  Paulum  frustra  quaesivimus  neque  editiones  ullum  in  margine  laudant  locum.  Fortasse  respexit  ad  Act.  13,  41.