7:453  453  CUM  ANTIDOTO.  454  quemadmodum  Paulus  admonet.  Atque  ut  eiusdem  Augustini  verbis  concludam:  Voluntas  humana,  non  libertate  gratiam  consequitur,  sed  gratia  libertatem:  et  ut  perseveret,  delectabilem  perpetuitatem  et  insuperabilem  fortitudinem.  1)  Capite  nono,  dum  aliquam  dare  student  [pag.  J86]  modestiae  significationem,  impudentiam  suam  magis  produnt.  Quoniam  in  promptu  erat  scripturae  doctrina  eorum  placitis  repugnans,  ut  hanc  suspicionem  avertant,  primum  quid  sit,  fide  iustificari  hominem,  exponunt:  nempe,  quod  fides  salutis  sit  initium,  et  fundamentum  iustificationis.  Quasi  hac  solutione  essent  expediti,  mox  ad  alteram  transvolant:  gratis  nos  iustificari  ideo  apostolum  docere,  quia  quaecunque  iustificationem  praecedunt,  sive  fides,  sive  opera,  ipsam  non  promerentur.  Quaeso,  si  in  re  seria  versari  se  putarent,  an  adeo  leviter,  quasi  oscitantes,  perfungerentur?  Omitto,  quod  hominum  iudicia  nihil  veriti  sunt,  quasi  sacrosancto  hoc  decreto  omnium  oculos  confodissent:  Fides  iustificat,  quoniam  inchoat  iustitiam.  Primo,  hoc  commentum  sensus  communis  respuit.  Quid  enim  magis  puerile,  quam  totum  effectum  velle  restringere  ad  solum  actum  inchoandi?  Sed  inspiciamus  paulisper,  numquid  Pauli  verba  patiantur  tam  facile  se  perverti.  Evangelium,  inquit,  potentia  Dei  est,  in  salutem  omni  credenti:  quia  in  eo  revelatur  Dei  iustitia  ex  fide  in  fidem  (Rom.  1,  16).  Quis  non  videt  principium  et  finem  pariter  hic  designari?  Alioqui  dicendum  erat  :  Ex  fide  in  opera  :  si  quidem  perficerent  quod  fides  inchoat.  Eodem  facit  Habacuc  (2,  4)  testimonium:  Iustus  ex  fide  victurus  [pag.  187]  est:  quod  improprie  dictum  foret,  nisi  vitam  perpetuaret  fides.  In  Abrahae  persona  relucet  praecipuum  iustificationis  speculum.  Audiamus  ergo,  quo  tempore  fides  illi  ad  iustitiam  imputata  fuisse  praedicatur  (Gen.  15,  6;  Gal.  3,  6).  Non  erat  certe  novitius:  sed  relicta  patria,  iam  annos  complures  Dominum  sequutus  erat:  ut  esset  non  vulgare  sanctitatis  omniumque  virtutum  exemplar.  Non  ergo  aditum  illi  ad  iustitiam  patefacit  fides,  ut  aliunde  postea  iustificatio  compleatur.  Et  tandem  concludit  Paulus,  nos  stare  in  ea  gratia,  quam  fide  consequuti  sumus  (Rom.  5,  1).  Quantum  distat  fixa  et  immota  statio  a  momentaneo  transitu,  tantum  a  Pauli  sensu  distant  in  suo  isto  dogmate.  Omnes  scripturae  locos  colligere,  et  longum  esset,  et  supervacuum.  Satis  quidem  superque  ex  his  paucis  liquere  arbitror,  non  minus  iustitiae  complementum  quam  initium  fidei  tribuendum  esse.  Secundum  membrum  est,  gratuitam  ideo  iustificationem  vocari  a  Paulo,  quia  nullum  meritum  praecedat.  Quid  ergo?  quum  idem  Paulus  clamat  1)  Libro  de  correptione  et  gratia  cap.  8.