55:453  453  CAPUT  I.  454  quoque  animantur  ad  constantiam,  dum  certiores  de  prospero  vocationis  successu  redduntur.  Ac  primo  quidem  se  oculatum  esse  testem  asserit  Petrus:  quia  gloriam  Christi,  quam  annuntiat,  ipse  oculis  spectaverit.  Hanc  notitiam  captiosis  fabulis  opponit,  quales  comminisci  astuti  homines  solent  illaqueandis  simplicium  mentibus.  Vetus  interpres  fictas  vertit:  Erasmus,  arte  compositas.  Mihi  videtur  subtile  ad  fallendum  artificium  notari.  Nam  interdum  Graecis  est  verbum  aociCeao-ac.  Scimus  autem  quantum  studii  impendant  homines  frivolis  argutiis,  tantum  quia  aliquid  delectationis  habent.  Quare  non  minus  serio  applicandae  sunt  mentes  ad  veritatem  minime  fallacem  et  doctrinam  minime  nugatoriam,  sed  quae  gloriam  filii  Dei  nobis  cum  salute  nostra  patefacit.  Christi  potentiam  et  adventum.  Non  dubium  quin  his  vocibus  evangelii  summam  comprehendere  voluerit:  ut  certe  nihil  praeter  Christum  continet,  in  quo  absconditi  sunt  omnes  sapientiae  thesauri.  Duas  autem  partes  distincte  ponit:  nempe  quod  exhibitus  in  carne  fuerit  Christus:  deinde  qualis  sit  virtus  eius  et  efficacia.  Sio  enim  integrum  habemus  evangelium,  ubi  eum  qui  promissus  olim  fuerat  redemptor,  scimus  e  coelo  venisse,  induisse  carnem  nostram,  versatum  esse  in  mundo,  morte  esse  defunctum,  et  tandem  resurrexisse.  Secundo  ubi  finem  horum  omnium  et  fructum  percipimus:  nempe  ut  esset  Deus  nobiscum  :  ut  certum  adoptionis  nostrae  pignus  in  se  exhiberet:  ut  spiritus  sui  gratia  perfusos  a  carnis  inquinamentis  purgaret,  ac  consecraret  Deo  in  templa:  ut  ab  inferis  emersos,  in  coelum  attolleret:  ut  sacrificio  mortis  suae  expiaret  peccata  mundi:  ut  nos  patri  conciliaret:  ut  iustitiae  ac  vitae  nobis  esset  autor.  Haec  qui  tenet,  rite  in  evangelio  profecit.  Spectatores  facti.  Hinc  colligimus  nequaquam  servire  Christo,  aut  similes  esse  apostolis,  qui  temere  in  suggestum  prosiliunt,  ut  de  speculationibus  sibi  ignotis  garriant.  Hic  enim  demum  legitimus  est  Dei  minister,  cui  testata  est  doctrinae,  quam  tradit,  veritas.  Non  quod  omnibus  constet  eadem  certitudinis  ratio:  nam  quod  Petrus  se  praesentem  fuisse  dicit,  quum  coelesti  oraculo  pronuntiatus  fuit  Christus  filius  Dei,  tres  solum  tunc  aderant:  alii  nihilominus  idonei  fuerunt  testes:  nempe  quia  tot  miraculis  intuiti  erant  Christi  gloriam,  et  illustre  divinitatis  eius  specimen  in  resurrectione  habuerant.  Nos  vero  aliter  certi  quatenus  expedit:  licet  enim  non  resurrexerit  ante  oculos  nostros  Christus,  scimus  tamen  a  quibus  de  manu  in  manum  prodita  nobis  fuerit  eius  resurrectio.  Et  accedit  interius  con*  scientiae  testimonium:  illa  inquam  spiritus  obsignatio  quae  omnes  sensuum  probationes  longe  superat.  Yerum  meminerimus,  evangelium  initio  ex  vagis