54:453  453  SUR  L'EPITRE  A  TITE.  454  Mais  cependant  n'oublions  pas  la  seconde  partie:  c'est  que  s'il  y  a  des  contredisans,  ils  soyent  vivement  rembarrez:  comme  nous  en  voyons  beaucoup  de  diverses  especes.  Car  les  uns  viendront  semer  leurs  heresies  pour  insecter  la  pure  doctrine  de  Dieu,  ils  viendront  semer  leurs  mensonges,  et  leurs  resveries.  Il  faut  donc  resister  en  premier  lieu  a  ceux-la.  Les  autres  auront  une  corruption  qui  ne  sera  pas  si  grande,  ne  tant  excessive,  mais  elle  ne  laisse  point  d'estre  mauvaise  pourtant.  Car  nous  en  verrons  qui  sont  chatouilleux,  et  des  gens  qui  appetent  des  menus  fatras,  et  des  choses  vaines  et  frivoles,  ou  il  n'y  a  nulle  edification.  Or  il  faut  aussi  que  ceux-la  soyent  rembarrez.  Il  y  a  des  contempteurs  de  Dieu  qui  ne  se  couvriront  point  de  fausses  doctrines,  mais  on  voit  qu'ils  ne  demandent  sinon  que  toute  police  fust  rasee,  que  toute  religion  fust  aneantie.  Il  faut  donc  qu'ici  le  Pasteur  soit  arme.  Quand  il  y  aura  des  gens  dissolus,  et  qui  seront  adonnez  du  tout  a  mal,  si  nous  ne  voulons  souffrir  nulle  corruption,  et  si  nous  n'accordons  avec  eux,  ils  feront  leurs  bandes,  et  leurs  complots  diaboliques,  pour  abbatre  toute  discipline,  et  tout  ordre.  Ii  faut  aussi  bien  lever  les  cornes  contre  ceux-la.  En  somme,  tous  ceux  qui  ne  se  laissent  point  conduire  par  la  parole  de  Dieu,  sont  comprins  sous  ce  mot  de  Contredisans.  Or  maintenant  nous  voyons  qu'on  ne  doit  point  trouver  estrange  quand  les  Pasteurs  parleront  rudement  en  chaire,  et  qu'il  semblera  qu'ils  usent  de  grande  rigueur  et  severite.  Car  cognoissons  quel  est  nostre  estat  auiourd'huy.  Sommes-nous  beaucoup  meilleurs  et  plus  parfaits  qu'on  n'estoit  du  temps  de  sainct  Paul?  Mais  on  scait  que  le  monde  est  venu  iusques  au  comble  de  toute  iniquite,  que  c'en  est  un  deluge.  Puis  qu'ainsi  est,  comment  sera-il  possible  que  nous  servions  a  l'Eglise  de  Dieu  sans  faire  la  guerre  aux  contredisans,  veu  qu'il  y  en  a  un  nombre  infini,  veu  qu'ils  s'elevent  avec  une  audace  et  furie  plus  enorme  que  iamais  ils  n'ont  fait,  et  que  le  diable  ioue  maintenant  a  la  desesperee,  comme  on  dit?  Quand  nous  sommes  venus  iusques  la,  il  faut  bien  que  les  ministres  de  la  parole  de  Dieu  s'appliquent  ici,  et  s'y  employent  vivement.  Et  encores  s'en  faut-il  beaucoup  qu'ils  ne  facent  leur  devoir,  combien  que  beaucoup  de  mignars  et  de  delicats  y  trouvent  de  l'exces.  Helas!  quand  ce  viendra  a  rendre  conte  devant  Dieu,  il  ne  faudra  sinon  passer  condamnation  que  nous  n'avons  point  fait  la  moitie  de  nostre  devoir,  non  pas  la  dixieme  partie.  Mais  tant  y  a  qu'il  nous  faut  tousiours  aspirer  a  ce  qui  nous  est  ici  monstre,  et  a  la  reigle  qui  est  contenue  en  ce  passage:  c'est  que  si  nous  voyons  des  contredisans,  nous  soyons  armez  a  l'encontre,  que  la  trompette  sonne,  et  que  nous  leur  denoncions  la  guerre  ouverte,  ou  autrement  nous  sommes  lasches  et  traistres  a