5:453  DE  LA  CENE.  controuve  sans  la  parolle  de  Dieu,  mais  aussi  est  contraire  directement  a  l'institution  de  la  Cene,  il  doibt  estre  reiette  de  tous  Chrestiens.  Nous  avons  monstre  dont  est  venue  ceste  calamite  en  l'Esglise  papalle,  que  le  peuple  s'abstient  de  communiquer  a  la  Cene  tout  au  long  de  l'an,  a  scavoir,  pource  qu'on  la  tient  comme  un  Sacrifice,  lequel  est  offert  d'un,  au  nom  de  tous.  Mais  encore,  quand  il  est  question  d'en  user  une  fois  l'annee,  elle  est  povrement  dissipee  et  comme  desciree  eji  pieces.  Oar  au  lieu  de  distribuer  au  peuple  le  Sacrement  du  sang,  comme  porte  le  commandement  du  Seigneur,  on  luy  faict  a  croire  qu'il  se  doibt  contenter  de  l'autre  moytie.  Ainsi  les  povres  fideles  sont  meschamment  fraudes  de  la  grace  que  le  Seigneur  leur  avoit  faicte.  Car,  si  ce  n'est  pas  un  petit  benefice  que  de  communicquer  au  sang  du  Seigneur  pour  nostre  pasture,  c'est  une  trop  grande  cruaulte  de  le  ravir  a  ceux  ausquelz  il  appartient.  En  cela  [pag.  55]  nous  povons  appercevoir  de  quelle  audace  et  hardiesse  le  Pape  a  tyrannise  l'Esglise,  apres  qu'il  a  une  fois  occuppe  la  domination.  Nostre  Seigneur  ayant  commande  a  ses  Disciples  de  manger  le  pain  sanctifie  en  son  corps,  quand  il  vient  au  calice,  ne  leur  dit  pas  simplement  beuvez,  mais  il  adiouste  nommement  que  tous  en  boivent.  Voudrions-  nous  chose  plus  claire  que  cela?  Il  dit  que  nous  mangeons  1)  le  pain,  sans  user  de  mot  universel.  Il  dit  que  nous  beuvions  tous  du  calice.  Dont  vient  ceste  difference,  sinon  qu^il  a  voulu  aller  au  devant  a  ceste  malice  du  Diable?  Et  neantmoins  l'orgueil  du  Pape  est  tel,  qu'il  ose  dire  :  n'en  beuvez  pas  tous.  Et  a  fin  de  monstrer  qu'il  est  plus  sage  que  Dieu,  il  allegue  que  c'est  bien  raison,  que  le  Prestre  ayt  quelque  previlege  oultre  le  peuple,  pour  honnorer  la  dignite  sacerdotale.  Comme  si  nostre  Seigneur  ne  se  feust  point  advise  comment  l'un  doibt  estre  discerne  de  l'autre.  D'avantage  il  obiecte  des  dangiers  qui  pourroient  [pag.  56]  advenir,  si  le  calice  estoit  communement  donne  a  tous.  C'est  que  il  s'en  pourroit  aucunefois  respandre  quelque  goutte:  comme  si  nostre  Seigneur  n'avoit  point  preveu  cela.  N'est-ce  pas  arguer  Dieu  tout  apertement  qu'il  a  confondu  l'ordre  qu'il  devoit  observer,  et  a  mis  son  peuple  en  dangier  sans  propos?  Pour  monstrer  qu'il  n'y  a  pas  grand  inconvenient  en  ceste  mutation,  il  remonstre  que  soubz  une  espece  tout  est  compris:  d'autant  que  le  corps  ne  peut  estre  divise  du  sang  :  comme  si  en  vain  le  Seigneur  avoit  distingue  l'un  de  l'autre.  Car  si  on  peut  laisser  derriere  l'une  des  parties  comme  superflue,  ce  auroit  este  iollie  de  les  recommander  distinctement.  Aucuns  de  ses  suppotz,  voyant  que  c'estoit  impudence  1)  mangions,  1549  ss