47:453  453  CAPUT  XXI.  454  matu?  Fuerit  sane  praecipuus  inter  apostolos,  an  inde  protinus  sequetur,  fuisse  universalem  totius  orbis  episcopum?  Adde  quod  quidquid  accepit  Petrus,  nihilo  ad  papam  magis  pertinet  quam  ad  Mahometum.  Quo  enim  iure  pro  haerede  Petri  se  venditat?  Deinde,  quis  illi  sanus  concedet,  hic  ius  aliquod  haereditarium  a  Christo  positum  esse?  Successor  tamen  vult  haberi:  utinam  quidem  esset.  Nemo  nostrum  illi  repugnat,  quin  et  diligat  Christum,  et  curam  suscipiat  pascendi  eius  gregis:  sed  neglecto  Christi  amore  et  reiecto  pascendi  officio  successionem  iactare,  nimis  absurdum  est,  nec  minus  stultum.  Quemadmodum  autem  Christus,  docendi  provinciam  Petro  mandans,  solium  idolo  vel  animarum  carnifici  erigere  noluit,  ex  quo  ecclesiam  misere  opprimeret,  ita  breviter  admonuit,  quale  probet  ecclesiae  suae  regimen.  Sic  larva  detrahitur  cornutis  omnibus  episcopis,  qui  sola  theatrica  pompa  et  inani  titulo  contenti  ius  episcopale  sibi  arrogant.  16.  Pasce  oves  mea*.  Non  omnes  promiscue  Christus  pascendos  tam  Petro  quam  aliis  committit,  sed  tantum  agnos  suos  vel  oves.  Alibi  autem  definit,  quosnam  reputet  in  suo  grege:  Oves,  inquit,  meae  vocem  meam  audiunt,  et  sequuntur  me:  vocem  alieni  non  audiunt.  Danda  quidem  est  opera  probis  doctoribus,  ut  omnes  colligant  ad  Christum:  et  quia  discernere  nequeunt  inter  oves  ac  feras  bestias,  tentandum  est  modis  omnibus  an  mansuefacere  possint,  qui  lupis  similes  sunt  magis  quam  ovibus.  Sed  postquam  omnia  conati  fuerint,  nonnisi  electis  ovibus  proderit  labor.  Inde  enim  docilitas  et  fides,  quod  pater  coelestis  filio  tradit  in  obsequium,  quos  ante  conditum  mundum  elegit.  Caeterum  admonet  hic  locus,  nullos  posse  in  salutem  evangelii  doctrina  pasci  nisi  mansuetos  ac  dociles:  neque  enim  frustra  Christus  discipulos  suos  agnis  et  ovibus  comparat,  sed  simul  notandum  est  Dei  spiritu  cicurari,  qui  natura  ursi  aut  leones  erant.  17.  Indoluit  Petrus.  Procul  dubio  non  sensit  Petrus,  quorsum  tenderet  Christus  idem  toties  rogando.  Putat  igitur  oblique  se  insimulari,  quasi  non  responderit  ex  animo.  Sed  iam  ostendimus  non  fuisse  supervacuam  repetitionem.  Deinde  nondum  satis  expertus  erat  Petrus,  quam  penitus  oporteat  Christi  amorem  eorum  animis  infixum  esse,  quibus  vincendae  sunt  innumerae  difficultates.  Postea  longo  usu  didicit,  non  frustra  tale  examen  esse  habitum.  Porro  in  eius  persona  docentur,  qui  subituri  sunt  regendaex  ecclesiae  curam,  non  leviter  tantum  se  excutere,  sed  altius  examinare,  quo  zelo  praediti  sint,  ne  in  medio  cursu  resiliant  aut  deficiant.  Docemur  etiam  omnes,  placide  et  aequis  animis  ferendum  esse,  si  quando  nos  Dominus  rigidius  examinet,  quia  iustas  habet  eius  rei  causas,  quae  nobis  plerumque  sunt  ignotae.