37:453  453  CAPUT  LXVI.  454  sicuti  passim  scriptura  fideles  omnes  regale  sacerdotium  vocat.  Sed  videtur  peculiariter  designare  ministros  et  doctores,  quos  etiam  ex  gentibus  elegit  Dominus,  atque  insigni  huic  muneri,  hoc  est,  praedicando  evangelio  destinavit:  quemadmodum  Lucam,  Timotheum  et  similes,  qui  spirituales  victimas  Deo  per  evangelium  obtulerunt.  22.  {Nam  sicut)  Hic  promittit  talem  ecclesiae  instaurationem  fore  ut  perpetuo  duret.  Vereri  enim  multi  poterant  ne  postea  iterum  laberetur.  Firmum  ergo  deinceps  statum  fore  significat,  postquam  semel  a  Deo  restituta  erit.  Itaque  hic  magnifica  duo  beneficia  recenset,  instaurationem  scilicet  ac  perpetuitatem.  Quum  loquitur  de  coelis  novis  et  terra  nova,  respicit  ad  regnum  Christi,  a  quo  omnia  renovata  sunt:  sicut  apostolus  ad  Hebr.  docet  (8,  8.  13).  Haec  autem  novitas  eo  spectat  ut  perpetuo  vigeat  hic  florens  ac  felix  ecclesiae  status.  Quod  enim  vetus  est  ad  interitum  tendit:  quae  instaurantur  et  renovantur  diuturniora  esse  debent.  Promiserat  Deus,  quamdiu  sol  et  luna  starent  in  coelo,  testes  fore  aeternae  successionis,  ne  posteritas  Davidis  intercideret  (Psal.  89,  37).  Sed  quia  interruptio  quaedam  ex  perfidia  populi  et  ingratitudine  contigerat,  instauratio  per  Christum  facta  vaticinium  illud  vere  sancivit.  Merito  itaque  Isaias,  Subolescent,  inquit,  vobis  filii  et  filiis  nepotes:  et  quemadmodum  stabiliet  Deus  mundum  ut  nunquam  intereat,  sic  ecclesiae  perpetua  erit  successio,  ut  per  omnes  aetates  prorogetur.  In  summa,  exponit  quod  prius  dixerat  de  renovando  mundo:  ne  quis  hoc  ad  arbores,  aut  bestias,  aut  siderum  ordinem  pertinere  putet:  nam  ad  interiorem  hominis  renovationem  referri  debet.  Veteres  hallucinati  sunt  quum  existimarunt  haec  ad  extremum  iudicium  praecise  spectare,  nec  contextum  prophetae,  nec  autoritatem  apostoli  satis  perpenderunt.  Quanquam  non  nego  eousque  pertinere,  quia  non  ante  speranda  est  rerum  perfectio  quam  Christus  mundi  vita  apparuerit:  sed  initium  facere  altius  oportet,  ab  ea  scilicet  liberatione  qua  suos  Christus  regenerat,  ut  sint  novae  creaturae,  sicuti  dicitur  secundae  ad  Corinthios  capite  septimo  *).  23.  {Et  accidet)  Iterum  docet  propheta  quale  discrimen  futurum  sit  inter  spiritualem  Dei  cultum,  qualis  erit  sub  regno  Christi,  et  carnalem  qui  sub  lege  fuit.  Singulis  mensibus  in  novilunio  sacrificia  offerebantur.  Erant  sabbata  aliique  festi  ac  solennes  dies  quos  diligenter  observabant.  At  sub  regno  Christi  perpetua  erit  et  continua  solennitas:  *)  imo  quinto  v.  17.