20:453  453  SUPPLEMENTUM.  454  invideam,  ita  tamen  ut  vobis  nihil  decrescere  cupiam.  Sed  sane  misere  nobiscum  agitur,  ita  inquam  misere  ut  non  habeam  quod  sperem.  Certum  est  nobis  in  synodo  (nos  capitula  vocamus)  potius  ultima  pati  quam  ut  istum  apertum  Epicureismum  feramus.  Quid  futurum  sit  potes  prospicere,  nempe  ut  vel  Dominus  (quod  utinam  fiat)  istorum  animos  repente  immutet,  vel  impleta  mensura  iram  Domini  subeamus.  Habebis  nos  igitur  cum  tota  ecclesia  commendatos  in  tuis  precibus,  multo  magis  quam  unquam  antea,  ut  et  nobis  constantia  et  illis  bona  mens  donetur.  In  istis  cogitationibus  nondum  potuit  invenire  locum  noster  Passavantius.!)  Sperabam  tamen  fore  ut  legati  vestri  laeto  aliquo  nuncio  nos  ita  reficerent  ut  gestiens  animus  aliquid  suggereret  Passavantio  non  indignum.  Sed  neque  hac  praeterire  voluerunt,  neque,  quod  saltem  a  Eoss.2)  sperabamus,  qui  aliis  de  rebus  satis  copiose  ad  Iacobum3)  nostrum  scripsit,  dignati  sunt  saltem  uno  verbo  nos  recreare.  Ita  haeremus  suspensi  et,  sicuti  nosti  sollicitum  esse  et  meticulosum  amorem,  interdum  etiam  in  sinistram  propendemus.  Vide  ergo,  mi  pater,  ut  quidquid  nobis  exspectandum  est  tandem  resciscamus.  Vestra  enim  nostra  sunt,  ut  tibi  satis  esse  persuasum  scio.  Robertus*)  noster  nondum  mihi  significavit  quid  Basileae  sit  actum.  Scripsit  sibi  placere  ut  Antonius  5)  noster  veteris  testamenti  translationem  conferat  et  ego  vicissim  novi.  Utrumque  curabitur,  sed  ea  lege  quod  ad  me  praesertim  attinet,  ut,  quod  in  priore  nostrarum  annotationum  editione6)  non  potuisti  praestare,  id  ipsum  nunc  diligentissime  praestes,  ne  bis  fiam  Epimetheus.  Sed  ecce,  paene  praeterieram  quod  praecipuum  erat.  Ex  Hobrachi7)  literis  animadvertisse  mihi  videor,  omnino  placere  Deo  nostro  ut  felix  illa  pax,8)  cuius  sola  cogitatio  me  gestire  cogit,  per  alios  transigatur  quam  per  istas  hominum  larvas  quae  nos  nimis  diu  eluserunt.  Sic  placet  Domino,  infimos  omnium  hominum  deligere,  dum  cessant  illi  in  quorum  potestate  omnia  posita  videbantur.  Nobis  igitur  nullo  modo  cessandum  puto.  Tu  signum  dato  et  stationem  nostram  nobis  attribue  quam,  ut  spero,  ad  extremum  usque  spiritum  servabimus.  De  legatis  puto  te  nosse  Helveticos  iam  pridem  in  aulam  venisse.  Miror  quid  Germanos  retinuerit,  quum  Wirtebergensis  tam  prolixe  nobis  omnia  pro-  4184.1)  Baum.  I.  194  ss.  2)  Boseto?  3)  Valerium.  4)  Stephanus.  5)  Chevalier.  6)  Prodierat  a.  1556.  7)  tunc  temporis  Francofordiensis  ministri.  8)  Be  pace  cum  Lutheranis  agit.