55:452  quin  plus  autoritatis  et  ponderis  doctrinae  suae  acquirere  voluerit  Petrus,  quum  sibi  curae  futurum  dicit  ut  post  mortem  suam  quae  tunc  instabat,  harum  rerum  sint  memores.  Nam  si  quis  paulo  post  ex  hac  vita  migraturus,  nos  alloquitur,  eius  voces  quodammodo  vim  testamenti  habent,  maioreque  reverentia  solent  a  nobis  excipi.  14.  Depositurum  hoc  tabernaculum.  Ad  verbum  est:  Brevis  tabernaculi  huius  depositio.  Hac  loquutione,  et  postea  discessus  nomine,  mortem  designat.  Quod  notare  operae  pretium  est:  nam  hinc  docemur  quantum  ab  interitu  mors  differat.  Porro  hinc  nimius  mortis  horror  nos  consternat  :  quia  nec  satis  reputamus  quam  fluida  sit  et  evanida  haec  vita,  nec  perpetuum  nobis  vitae  futurae  statum  proponimus.  Quid  autem  Petrus?  mortem  pronuntiat  exitum  esse  e  mundo,  ut  alio  migremus,  nempe  ad  Dominum:  formidolosa  igitur  esse  nobis  non  debet,  ac  si  pereundum  nobis  esset  quum  morimur.  Pronuntiat,  depositionem  esse  tabernaculi,  quo  duntaxat  obtegimur  ad  breve  tempus.  Non  ergo  est  cur  aegre  feramus,  inde  nos  abduci.  Subest  autem  tacita  antithesis  inter  caducum  tabernaculum  et  perpetuum  domicilium:  quam  Paulus  explicat  2.  Corinth,  cap.  5,  1.  Quod  dicit,  revelatum  sibi  esse  a  Christo,  hoc  non  ad  genus  mortis,  sed  ad  tempus  pertinet.  Quomodo  autem,  si  Babylone  oraculum  accepit  de  propinqua  morte,  Bomae  crucifixus  est?  Certe  nisi  maria  et  terras  momento  transvolaverit,  procul  ab  Italia  mortuum  esse  constat.  Nam  quod  papistae,  ut  sibi  Petri  cadaver  vindkentt  Babylonios  se  faciunt^  et  Romam  dicunt  a  Petro  vocari  Babylonem,  id  suo  loco  refutabitur.  Quod  de  memoria  harum  rerum  post  mortem  suam  habenda  dicit,  huc  pertinet  ut  posteri  a  mortuo  etiam  discant.  Neque  enim  aetatis  modo  suae  rationem  habuerunt  apostoli,  sed  nobis  etiam  prodesse  voluerunt.  Quare  utcunque  mortui  sint,  vivit  ac  viget  eorum  doctrina.  Et  nostrum  est  ex  eorum  scriptis  proficere,  perinde  ac  si  palam  essent  ipsi  nobis  ante  oculos.  16.  Neque  enim  fabulas  subtiliter  excogitatas  sequutis  notam  vobis  fecimus  Domini  nostri  Iesu  Christi  potentiam  et  adventum:  sed  spectatores  facti  eius  magnificentiae.  17.  Accepit  enim  a  Deo  patre  honorem  et  gloriam^  allata  illi  a  magnifica  gloria  huiusmodi  voce,  hic  est  filius  meus  dilectus,  in  quo  mihi  complacui.  18.  Et  hanc  vocem  nos  audivimus,  dum  essemus  in  monte  sancto  cum  illo.  16.  Neque  enim  fabulas.  Plurimum  animi  hoc  nobis  addit,  quum  scimus  nos  in  re  certa  laborare.  Itaque  ne  fideles  aerem  se  verberare  putent  in  suis  laboribus,  ad  praedicandam  evangelii  certitudinem  iam  descendit:  ac  quidquam  a  se  proditum  negat,  nisi  optime  compertum  ac  indubiae  fidei.  Hinc