5:452  establir  une  telle  presence,  par  laquelle  le  corps  de  Christ  feustl)  enclos  dedans  le  signe,  ou  y  soit  conioinct  localement,  c'est  non  seulement  une  resverie,  mais  un  erreur  damnable,  contrevenant  a  la  gloire  de  Christ,  et  destruisant  ce  que  nous  devons  tenir  de  sa  nature  humaine.  Car  l'Escriture  nous  enseigne  par  tout,  que  comme  le  Seigneur  Iesus  a  prins  nostre  humanite  en  terre,  aussi  il  l'a  exaltee  au  ciel,  la  retirant  de  condition  mortelle:  mais  non  pas  en  changeant  sa  nature.  Ainsi  nous  avons  deux  choses  a  considerer,  quand  nous  parlons  de  ceste  humanite:  c'est  que  nous  ne  luy  ostions  pas  la  verite  de  sa  nature,  et  que  nous  ne  deroguons2)  rien  [pag.  52]  a  sa  condition  glorieuse.  Pour  bien  observer  cela,  nous  avons  a  eslever  tousiours  noz  pensees  en  hault,  pour  cercher  nostre  redempteur.  Car  si  nous  le  voulons  abaisser  soubz  les  elemens  corruptibles  de  ce  monde,  oultre  ce  que  nous  destruisons  ce  que  l'Escriture  nous  monstre  de  sa  nature  humaine,  nous  aneantissons  la  gloire  de  son  ascension.  Pource  que  plusieurs  autres  ont  traicte  ceste  matiere  amplement,  ie  me  deporte  de  passer  oultre.  Seulement  i'ay  voulu  noter  en  passant,  que  d'enclorre  Iesus  Christ  par  phantasie  soubz  le  pain  et  le  vin,  ou  le  conioindre  tellement  avec,  que  nostre  entendement  s'amuse  la  sans  regarder  au  ciel,  c'est  une  resverie  diabolicque.  Et  aussi  nous  en  toucherons  encores  en  un  autre  lieu.  Or,  ceste  perverse  opinion,  apres  avoir  este  une  fois  receue,  a  engendre  beaucoup  d'autres  superstitions.  Et  premierement  ceste  adoration  charnelle,  laquelle  n'est  que  pure  ydolatrie.  Car  de  se  prosterner  devant  le  pain  de  la  Cene,  [pag.  53]  et  la  adorer  Iesus  Christ  comme  s'il  y  estoit  contenu,  c'est  en  faire  un  ydole,  au  lieu  d'un  Sacrement.  Nous  n'avons  pas  commandement  d'adorer,  mais  de  prendre  et  de  manger.  Il  ne  faloit  pas  doncq  attenter  cela  si  temerairement.  D'avantage,  cela  a  este  tousiours  observe  en  TEsglise  ancienne,  que  devant  que  celebrer  la  Cene,  on  exhortoit  solennellement  le  peuple  de  lever  leurs  cueurs  en  hault,  pour  denoter  qu'on  ne  se  devoit  arrester  au  signe  visible,  pour  bien  adorer  Iesus  Christ.  Mais  on  n'a  que  faire  de  combatre  longuement  sur  ce  poinct,  quand  la  presence  et  conionction  de  la  verite  avec  le  signe,  dont  nous  avons  parle  et  parlerons  cy  apres,  sera  bien  entendue.  D'une  mesme  source  sont  procedees  les  autres  facons  superstitieuses,  comme  de  porter  en  pompe  le  Sacrement  par  les  rues  une  fois  l'an,  et  luy  faire  l'autre  iour  un  tabernacle,  et  tout  au  long  de  l'annee  le  garder  en  une  armoire  pour  amuser  la  le  peuple,  comme  si  c'estoit  Dieu.  Pource  que  tout  cela,  [pag.  54]  non  seulement  a  este  1)  soit,  1549  ss.  2)  deroguions,  1549  ss.