47:452  gant  Dominum  Iesum  (1.  Cor.  16,  22).  Meminerint  ergo  qui  ad  regendam  ecclesiam  vocantur,  si  munus  suum  rite  probeque  exsequi  cupiunt,  initium  sibi  esse  faciendum  a  Christi  amore.  Interim  luculente  testatur  Christus,  quanti  faciat  salutem  nostram,  dum  ita  singulariter  pastoribus  eam  commendat.  Atque  hoc  sibi  documentum  fore  asserit,  quantopere  ab  illis  ametur,  si  eam  sollicite  curent.  Nihil  certe  efficacius  potuit  dici  ad  animandos  evangelii  ministros  quam  dum  audiunt  nullum  Christo  gratius  officium  esse  quam  quod  pascendo  eius  gregi  impenditur.  Piis  autem  omnibus  non  vulgaris  inde  haurienda  est  consolatio,  dum  se  filio  Dei  tam  caros  esse  ac  pretiosos  audiunt,  ut  eos  quasi  m  locum  suum  subroget.  Sed  eadem  doctrina  non  parum  terroris  incutere  debet  falsis  doctoribus,  qui  ecclesiae  regimen  pervertunt.  Quia  non  leves  Christo  poenas  daturi  sunt,  qui  se  ab  illis  violari  pronuntiat.  Pasce  agnos.  Verbum  pascendi  scriptura  metaphorice  ad  quodvis  regimen  accommodat.  Hic  autem  quia  de  spirituali  ecclesiae  gubernatione  agitur,  operae  pretium  est  notare  quibus  partibus  constet  officium  pastoris.  Neque  enim  hic  nobis  otiosa  aliqua  pingitur  dignitas,  nec  Christus  homini  mortali  imperium  aliquod  defert,  quod  confuse  exerceat  pro  sua  libidine.  Vidimus  autem  supra  capite  decimo,  Christum  proprie  unicum  esse  ecclesiae  pastorem.  Vidimus  etiam  cur  nomen  hoc  sibi  sumat:  nempe,  quia  salutis  doctrina  regat  oves  suas  adeoque  pascat,  quia  ille  demum  verus  est  animae  cibus.  Iam  vero  quia  hominum  opera  utitur  ad  praedicandam  doctrinam,  nomen  quoque  suum  ad  eos  transfert,  vel  saltem  cum  illis  communicat.  Legitimi  ergo  demum  pastores  coram  Deo  censentur,  qui  sub  Christo  capite  ecclesiae  praesunt  per  verbi  ministerium:  unde  colligere  promptum  est,  quid  oneris  imponat  Christus  Petro,  et  qua  lege  eum  gregi  suo  praeficiat.  Quo  satis  dilucide  refellitur  Romanensium  improbitas,  qui  locum  hunc  detorquent  ad  stabiliendam  papatus  sui  tyrannidem.  Petro,  inquiunt,  prae  aliis  dictum  est:  Pasce  oves  meas.  Cur  illi  potius  dictum  sit  quam  reliquis,  iam  ante  exposuimus,  nempe,  ut  purus  omni  sinistra  nota  liber  esset  ad  praedicandum  evangelium:  et  ideo  ter  eum  pastorem  constituit  Christus,  ut  tres  abnegationes,  quibus  sibi  Petrus  aeternum  probrum  contraxerat,  abolitae  eius  apostolatum  non  impediant,  quemadmodum  prudenter  observant  Chrysostomus,  Augustinus  et  Cyrillus  et  plerique  alii.  Caeterum  nihil  Petro  datum  est  his  verbis,  quod  non  omnibus  evangelii  ministris  perinde  sit  com*  mune.  Frustra  ergo  papistae  ideo  contendunt  esse  primarium,  quia  specialiter  unus  vocetur.  Atque  ut  demus  fuisse  privatim  illi  aliquid  honoris  delatum,  unde  quaeso  evincent  locatum  fuisse  in  pri-