9:451  451  GRATULATIO  452  pendio  veritatis.  1)  Dicit  quidem  paulo  post,  quamvis  essent  caeteri  apostoli  quod  fuit  Petrus,  pari  consortio  praediti  et  honoris  et  potestatis,  dictum  fuisse  Petro:  Dabo  tibi  claves,  ut  in  uno  homine  ecclesiae  unitas  monstretur.  Sed  ne  quis  malus  caementarius,  qualis  es,  voci  unitatis  lutum  pro  gypso  illinat,  eam  in  sua  puritate  asserit,  adiungens,  episcopatus  unus  est,2)  cuius  a  singulis  in  solidum  pars  tenetur.  Certe  in  corpore  mutilo  et  trunco  nos  non  detinet  Cyprianus:  sed  prudenter  nos  ad  caput  revocat,  ne  ulla  quaeratur  cum  hominibus  coniunctio,  [pag.  48]  quae  nos  a  Christo  separet:  ne  ulla  transferatur  in  homines  dignitas,  quae  vel  minimum  ex  eius  episcopatu  deroget:  ne  ulla  unitas  praedicetur,  nisi  in  evangelii  fide  fundata,  et  quae  a  scriptura  non  abstrahat.  Restat  igitur  ut  ex  ipsa  doctrina  aestiment  lectores  ubinam  sit  vera  et  legitima  unitas:  quando  non  aliter  sincerum  iudicium  fieri  potest,  nisi  forte  novum  aliquem  Christum  inveniat  Gabriel  evangelio  suo  exutum.  Nos  autem  retecta  facie  gloriam  eius  in  speculo  evangelii  repraesentamus;  ac  gloriari  cum  Paulo  iure  licet:  si  adhuc  velatum  est  evangelium  nostrum,  inter  eos  qui  pereunt,  velatum  esse  ;  in  quibus  deus  huius  saeculi  excaecavit  sensus  fidelium,  ne  illucesceret  illis  lumen  evangelii  gloriae  Christi,  qui  est  imago  Dei  (2.  Cor.  4,  4  seqq.).  Rostro  suo  deforment  porci  doctrinam  nostram  licet,  vel  suo  grunnitu  impetant,  lacerent  eam  canes,  vel  allatrent,  utroque  officio  fungatur  Gabriel,  ipsa  se  ab  impuris  eorum  spurcitiis  vindicabit.  An  nos  impulerit  ambitio  ad  excogitanda  nova  dogmata,  ex  re  ipsa  aequis  omnibus  arbitris  permittimus  cognitionem  suscipere.  Certe  non  praedicamus  nosmetipsos,  sed  una  cum  Paulo  Iesum  Christum  Dominum:  nos  autem  ecclesiae  servos  propter  ipsum.  Et  quanquam  ferimus  hunc  thesaurum  in  vasis  testaceis,  quaecunque  tamen  conviciorum  sputa  in  nos  congerant  omnes  rabulae,  minime  obscurabitur  [pag.  49]  quae  in  nostra  praedicatione  totoque  ministerio  refulget  Dei  gratia.  Discerpitur  quidem  fides,  infausta  opinionum  varietate:  sed  unde  tanta  dissensionum3)  licentia,  nisi  quod,  dum  tota  cleri  papalis  colluvies4)  violenter  nos  infestando  omnia  conturbat,  aperta  est  dissensionibus  ianua,  suosque  ministros  turmatim  instigat  Satan,  ut  maiore  licentia  ad  insaniendum  se  proiiciant?  Et  interim  solvi  unitatem  deplorat  Praecentor,  quio)  suaviter  cum  tota  sua  cohorte  tristibus  pugnis  oblectatur,  non  secus  ac  lanistae  ludum  gladiatorium  cum  maxima  voluptate  spectant.  1)  Add.  Voyla  comme  S.  Cyprien  en  parle.  2)  Add.  a  savoir  de  Iesus  Christ.  3)  que  chacun  vueille  avoir  son  sens  a  part  et  contredire  aux  autres.  4)  ce  bourbier  de  Caphards.  5)  se  baignant  et  prenant  tout  son  plaisir  avec  ses  compagnons.