54:451  451  SERMON  YI  452  tant  y  a  que  tousiours  nostre  Seigneur  a  donne  ceste  vertu  a  sa  parole,  et  nous  pourra  reprocher  au  dernier  iour  que  nous  en  avons  mal  fait  nostre  profit,  quand  nous  n'en  sommes  point  enseignez  deuement  comme  il  faut,  que  nous  n'en  sommes  point  armez  pour  tenir  bon  a  rencontre  de  toutes  les  tromperies,  les  erreurs  et  corruptions  que  Satan  nous  suscitera  pour  nous  divertir  du  chemin  de  salut.  Or  de  la  nous  pouvons  recueillir  qu'il  ne  tiendra  qu'a.  nous  quand  nous  ne  serons  point  deuement  asseurez  de  ce  que  nous  devons  faire,  et  que  nous  corromprons  la  doctrine  de  Dieu.  Et  en  cela  voit-on  aussi  que  c'est  un  blaspheme  execrable  quand  les  Papistes  acc  om  parent  l'Escriture  saincte  a  un  nez  de  cire,  et  qu'on  ne  peut  cueillir  la  nulle  certitude  de  foy.  Car  si  la  parole  de  Dieu  n'avoit  ceste  propriete  et  vertu  de  nous  asseurer  de  tout  ce  qui  est  bon  pour  nostre  salut,  sainct  Paul  ne  parleroit  pas  ainsi.  Souffrons  donc  d'estre  gouvernez  par  la  bouche  de  nostre  Dieu  :  et  alors  soyons  asseurez  de  ne  point  faillir,  ni  errer.  Yoila  un  item.  Or  apprestons-nous  mieux  que  nous  n'avons  point  fait  pour  resister  a  tous  assauts,  puis  qu'ainsi  est  que  la  parole  de  Dieu  est  nostre  glaive  spirituel.  Quand  nous  verrons  que  l'Evangile  sera  assiege  de  tous  costez,  que  nous  prions  Dieu  qu'il  nous  fortifie,  et  que  cependant  chacun  de  nous  se  munisse  des  armes  que  Dieu  nous  donne,  afin  que  nous  ne  soyons  point  surprins  a  descouvert,  et  cognoissons  qu'il  ne  tiendra  qu'a  nous  quand  nous  serons  despouillez  de  nos  armures:  car  Dieu  nous  a  donne  dequoy,  si  nous  ne  sommes  nonchalans  de  nostre  coste.  Mais  sur  tout,  ceux  qui  sont  commis  en  cest  office  denoncer  la  parole  de  Dieu,  qu'ils  regardent  d'enseigner  et  exhorter  par  bonne  doctrine.  Car  sainct  Paul  ne  se  contente  pas  du  mot  d'enseigner,  mais  il  use  d'une  vehemence  plus  grande,  signifiant  qu'encores  que  les  hommes  soyent  dociles,  et  qu'ils  se  laissent  gouverner,  et  qu'ils  recoyvent  d'un  esprit  humble  et  modeste  le  ioug  de  Dieu,  si  ne  suffit-il  point  de  leur  dire  seulement,  Yoila  qui  est  bon:  mais  il  les  faut  picquer.  Car  les  meilleurs,  et  les  plus  devots  (comme  on  parle)  auront  encores  besoin  d'estre  aiguillonnez  :  il  y  aura  tousiours  de  la  paresse  en  eux,  il  y  aura  de  l'infirmite  beaucoup.  Et  ainsi  il  ne  suffit  pas  que  nous  recevions  ce  qu'on  nous  dit,  mais  il  faut  que  nous  soyons  picquez,  et  que  la  parole  de  Dieu  ait  une  vehemence  pour  nous  pousser  comme  par  force.  Voila  ce  que  nous  avons  a  noter.  Et  sainct  Paul  en  ce  passage  ne  traitte  point  de  ceux  qui  sont  revesches  et  malins,  ou  hypocrites,  et  difficiles  a  gouverner  :  il  parle  des  vrais  aigneaux  qui  demandent  d'obeir  a  leur  Pasteur,  qui  se  laissent  manier  en  un  mot.  Mais  encores  il  cognoist  qu'il  y  a  une  telle  infirmite  en  tous  hommes,  que