5:451  DE  LA  CENE.  est  appelle  pain.  Seulement  ie  dys  que  la  nature  du  Sacrement  requiert  cela,  que  le  pain  materiel  demeure  pour  signe  visible  du  corps.  Car  c'est  une  reigle  generalle  pour  tous  Sacremens,  que  les  signes  que  nous  y  voyons  doivent  avoir  quelque  similitude  avec  la  chose  spirituelle  [pag.  49]  qui  y  est  figurae.  Comme  doncq  au  baptesme  nous  avons  certitude  du  lavement  interieur  de  noz  ames,  quand  l'eaue  nous  en  est  donnee  pour  tesmoignage,  laquelle  nettoye  noz  ordures  corporelles:  aussi  fault-il  qu'en  la  Cene  il  y  ayt  du  pain  materiel,  pour  nous  testifier  que  le  corps  de  Christ  est  nostre  viande.  Car  autrement,  quelle  signification  seroit-ce,  que  la  blancheur  nous  figurast  cela?  Nous  voyons  doncq  clairement  comme  toute  la  representation,  laquelle  nous  a  voulu  donner  le  Seigneur  pour  condescendre  a  nostre  infirmite,  periroit,  sinon  que  vrayement  le  pain  demeurast.  Car  les  parolles  dont  nous  use  le  Seigneur  emportent  autant  comme  qui  diroit:  Tout  ainsi  que  l'homme  est  substente  et  entretenu  selon  le  corps  en  mangeant  du  pain,  ainsi  ma  chair  est  la  nourriture  spirituelle  dont  les  ames  sont  vivifiees.  D'avantage,  que  deviendroit  l'autre  similitude  que  baille  sainct  Paul?  c'est,  comme  plusieurs  grains  de  bled  sont  meslez  ensemble  [pag.  50]  pour  faire  un  pain,  ainsi  fault-il  que  nous  soyons  unis  l)  ensemble,  puis  que  nous  participons  tous  d'un  pain.  S'il  n'y  avoit  que  la  blancheur  sans  substance,  ne  seroit-ce  pas  mocquerie  de  parler  ainsi?  Pourtant  nous  concluons  sans  doubte,  que  ceste  transsubstantiation  est  invention  forgee  du  Diable,  pour  depraver  la  verite  de  la  Cene.  De  ceste  phantasie  sont  sorties  apres  plusieurs  autres  folies.  Et  pleust  a  Dieu  quil  n'y  eust  que  folies,  et  non  pas  grosses  abominations.  Car  on  a  imagine  ie  ne  scay  quelle  presence  locale,  et  a  on  pense  que  Iesus  Christ,  en  sa  divinite  et  humanite,  estoit  attache  a  ceste  blancheur,  sans  avoir  esgard  a  toutes  les  absurditez  qui  s'en  ensuyvent.  Combien  que  les  anciens  docteurs  Sorbonicques  disputent  plus  subtilement,  comme2)  le  corps  et  le  sang  sont  conioinctz  avec  les  signes:  toutesfois  on  ne  peut  nyer  que  ceste  opinion  n'ayt  este  receue  des  grans  et  petis  en  l'Esglise  papalle,  et  qu'elle  ne  soit  auiourdhuy  cruellement  maintenue  [pag.  51]  par  feu  et  par  glaive:  que  Iesus  Christ  est  contenu  soubz  ces  signes,  et  que  la  il  le  fault  cercher.  Or,  pour  soubstenir  cela,  il  fault  confesser,  ou  que  le  corps  de  Christ  est  sans  mesure,  ou  qu'il  peut  estre  en  divers  lieux.  Et  en  disant  cela,  on  vient  en  la  fin  a  ce  poinct  qu'il  ne  differe  en  rien  d'un  Phantasme.3)  De  vouloir  doncq  1)  uns,  1566  ss.  (coniunctos,  Galias.).  2)  comment,  1549  ss.  3)  d'un  Phantasme,  1541.  1542;  d'un  phantosme,  1549;  a  un  phantosme,  1566  ss.