47:451  451  IN  EVANGELIUM  IOANNIS  452  Domine,  tu  scis,  quod  amem  ie.  Dicit  ei:  Pasce  oves  meas.  17.  Dicit  ei  tertio:  Simon  Ioannis,  amas  me?  Indoluit  Petrus,  quod  dixisset  sibi  tertio:  Amas  me?  Dixitque  ei:  Domine,  tu  omnia  nosti,  tu  scis,  quod  amem  te.  Dicit  ei  Iesus:  Pasce  oves  meas.  lb.  Amen,  amen  dico  tibi,  quum  esses  iunior,  cingebas  te  et  ambulabas  quo  volebas:  quum  autem  senueris,  extendes  manus  tuas,  et  alius  te  cinget,  et  ducet,  quo  non  vis.  19.  Hoc  autem  dixit,  significans,  qua  morte  glorificaturus  esset  Deum.  Et  quum  hoc  dixisset,  dicit  ei:  Sequere  me.  15.  Quum  ergo  pransi  essent.  Iam  narrat  evangelista,  quomodo  Petrus  in  eum  honoris  gradum,  unde  exciderat,  restitutus  fuerit.  Perfida  certe  illa  Christi  abnegatio,  de  qua  audivimus,  illum  apostolatu  indignum  reddiderat:  quomodo  enim  esset  idoneus  fidei  magister,  qui  turpiter  ab  ea  defecerat?  Creatus  fuerat  apostolus,  nempe  cum  Iuda.  Ex  quo  autem  loci  sui  desertor  fuerat,  simul  etiam  privatus  erat  honore  apostolatus.  Ergo  nunc  illi  tam  libertas  docendi  quam  autoritas  restituitur,  quarum  utramque  amiserat  sua  culpa.  Ac  ne  quid  illi  obstaret  defectionis  infamia,  eius  memoriam  abstergit  Christus  ac  delet.  Talis  in  integrum  restitutio  et  Petro  et  eius  auditoribus  necessaria  fuit:  illi  quidem,  quo  magis  strenue  munus  suum  obiret,  vocationis  iterum  sibi  iniunctae  certus:  his  vero,  ne  macula  m  homine  haerens  occasio  esset  spernendi  evangelii.  Hodie  quoque  nostra  plurimum  interest,  Petrum  ad  nos  prodire  tanquam  novum  hominem,  cuius  abolitum  sit  dedecus  quod  obstare  posset  eius  dignitati.  Simon  Ioannis  amas  me?  His  verbis  significat  Christus,  neminem  posse  fideliter  servire  ecclesiae,  et  operam  suam  impendere  gregi  pascendo,  nisi  altius  respiciat  quam  ad  homines.  Principio  munus  pascendi  per  se  laboriosum  est  ac  molestum  :  quando  scilicet  nihil  difficilius  est  quam  homines  continere  sub  Dei  iugo,  quorum  multi  infirmi  sunt,  alii  leves  et  protervi,  alii  tardi  et  segnes,  alii  duri  et  parum  dociles.  Iam  Satan  quascunque  potest  offensiones  ingerit  quibus  frangat  boni  pastoris  animum  vel  debilitet.  Huc  accedit  multorum  ingratitudo  et  aliae  taedii  causae.  Nunquam  ergo  in  hoc  officio  constanter  perget,  nisi  in  cuius  corde  sic  regnabit  amor  Christi,  ut  sui  oblitus  totumque  se  illi  addicens  impedimenta  omnia  superet.  Ita  se  affectum  faisse  declarat  Paulus  (2.  Cor.  5,  14),  quum  dicit:  Caritas  Christi  constringit  nos  hoc  reputantes,  quod,  si  unus  mortuus  est  pro  omnibus,  omnes  simul  convenit  esse  mortuos.  Quamvis  enim  amorem  intelligat,  quo  nos  complexus  est  Christus,  et  cuius  morte  sua  specimen  praebuit,  adiungit  tamen  mutuum  affectum,  qui  ex  tanti  beneficii  sensu  nascitur.  Rursum  vero  alibi  improbos  et  falsos  doctores,  qui  ecclesiam  turbant,  hac  nota  insignit,  quod  non  dili-