25:451  451  COMMENTARIUS  IN  IOSUE  CAP.  IV.  452  CAPUT  IV.  1.  Et  fuit,  postquam  finem  fecit  tota  gens  traiiciendi  Iordanis:  quia  loquutus  erat  Iehova  ad  Iosuam  dicendo:  2.  Tollite  vobis  e  populo  duodecim  viros,  virum  unum  ex  quaque  tribu.  3.  Et  praecipite  illis  dicendo:  Tollite  vobis  hinc  e  medio  Iordanis  a  ioco  ubi  stant  pedes  sacerdotum  expeditorum,  duodecim  lapides  quos  feretis  vobiscum,  et  deponetis  in  loco  ubi  hac  nocte  manebitis,  4.  Tunc  vocavit  Iosue  duodecim  viros  quos  ordinaverat  e  filiis  Israel,  singulos  ex  quaque  tribu.  5.  Et  dixit  illis  Iosue:  Transite  ^  ante  arcam  Iehovae  Dei  vestri  per  medium  Iordanis,  et  tollat  quisque  ex  vobis  lapidem  unum  super  humerum  suum  pro  numero  tribuum  filiorum  Israel.  6.  Ut  sit  hoc  inter1)  vos  signum  quum  interrogaverint  filii  vestri  cras  patres  suos,  qui  sunt  lapides  isti  apud  vos?  7.  Tunc  respondeatis  eis,  quod  intercisae  fuerint  aquae  Iordanis  ante  arcam  foederis  Iehovae,  quum,  inquam,  transiret  Iordanem,  intercisae  fuerint  aquae  Iordanis,  tunc  facti  fuerint  lapides  isti  in  monumentum  filiis  Israel  perpetuo.  S.  Fecerunt  itaque  filii  Israel  sicut  praeceperat  Iosue,  et  sustulerunt  duodecim  lapides  e  medio  Iordanis  sicut  loquutus  fuerat  Iehova  ad  Iosuam  pro  numero  tribuum  filiorum  Israel,  tuleruntque  eos  secum  ad  locum  ubi  pernoctarunt,  et  reposuerunt  illic.  9.  Duodecim  quoque  lapides  erexit  Iosue  in  medio  Iordanis  sub  statione  pedum  sacerdotum  qui  portabant  arcam  foederis,  manseruntque  ibi  usque  ad  hunc  diem.  1.  Et  fuit,  postquam.  Quod  breviter  et  obscure  attigerat  de  viris  duodecim,  nunc  prolixius  exponit.  Dixerat  iussu  Dei  electos  fuisse  quemque  ex  sua  tribu:  sed  abrupto  sermone  finem  subticuerat.  Nunc  dicit  mandato  Iosue  sustulisse  duodecim  lapides  ac  deposuisse  in  Gilgal,  ut  apud  posteros  exstaret  insigne  monumentum.  Porro  quia  tantum  commemorat,  quid  factum  fuerit  post  transitum  populi:  quod  interponitur,  per  tempus  plusquamperfectum  verti  debet.  Copulam  vero  vice  rationalis  particulae  accipi  facile  apparet.  Summa  est,  antequam  pedem  moverent  sacerdotes  e  medio  flumine  ubi  constiterant,  lapides  ab  eorum  pedibus  fuisse  sumptos,  et  locatos  in  Gilgal,  ut  perpetui  essent  miraculi  testes:  atque  ita  Iosue  fideliter  fuisse  exsequutum  quod  Deus  praeceperat.  Vocavit  ergo  Iosue  viros  quos  ante  delegerat:  sed  non  absque  Dei  iussu:  quo  scilicet  plus  auctoritatis  haberet  testimonium.  Nam  si  trophaeum  eiusmodi  sponte  erexisset  Iosue,  laudanda  quidem  fuisset  eius  pietas:  sed  contempta  forte  fuisset  admonitio  tantum  hominis  arbitrio  constituta.  Nunc  autem  ubi  signum  Deus  ipse  attollit,  id  negligenter  praeterire  nefas  est.  Itaque  1)  In  margine:  Hebr.  in  medio  vestri.