9:450  versus  idola  invehitur.  Euge,  animose  gloriae  Dei  vindex,  plausum  libenter  dabimus,  si  idola  omnia  prosternas.  Sed  fucum  facit  *)  impostor.  Simul  enim  ac  de  idolis  verbum  facere  visus  est,  mox  allegoriis  perstringit  simplicium  oculos.  Atqui,  teste  Augustino,  nullus  est  deterior  cultus  simulacrorum,  quam  dum  phantasmata  sua  colunt  homines,  et  quidquid  animo  errante  cum  superbia  et  tumore  [pag.  46]  cogitando  imaginati  fuerunt,  religionis  nomine  observant.  Agnosco  certe:  atque  ideo  totum  papatum,  etiam  si  nulla  apud  vos  statua  vel  pictura  viseretur,  tanquam  lacunam2)  idolis  refertam  fugimus  et  abominamur.  Quid  enim  illic  est  religio,  quam  ad  humana  commenta  obbrutescere?  quid  Dei  cultus,  nisi  posthabitis  ipsius  mandatis  hominum  legibus  se  addicere?  Nec  vero  obscurum  est  te  et  alios  omnes  papae  satellites  non  alibi  locare  victoriae  fiduciam,  quam  si  humanae  traditiones  Dei  verbum  sepeliant.  Interea  de  regis  salute  se  vehementer  sollicitum  esse  simulans,  una  re  incolumem  fore  promittit,  si  indefessus  sit  papatus  assertor,  quum  ecclesiae  salus  a  summi  sacerdotis  dignitate  secundum  Hieronymum  pendeat.  Totiesne  falsarium  te  deprehendi?  De  singulis  ecclesiis  loqui  Hieronymum  ex  contextu  liquet;  quia  mox  sequitur:  Sine  iussione  episcopi  neque  presbyterum  neque  diaconum  ius  baptizandi  habere.  Nec  sane  quaestio  erat  cum  Luciferianis  de  romani  episcopi  primatu  :  sed  quomodo  pax  inter  cuiusque  ecclesiae  ordines  sit  colenda.  Tu  vero  quod  de  omnibus  erat  dictum,  perperam  ad  unum  trahis,  atque  id  reclamante  Hieronymo  :  cuius  nota  sunt  verba  ex  responso  ad  Evagrium.  Quid  mihi  profers  unius  urbis  consuetudinem?  Quid  paucitatem,  unde  ortum  est  supercilium,  in  leges  ecclesiae  vendicas?  Ubicunque  [pag.  47]  fuerit  episcopus,  sive  Romae,  sive  Eugubii,  sive  Constantinopoli,  sive  Rhegii,  eiusdem  meriti  et  eiusdem  sacerdotii  est.  Potentia  divitiarum,  et  paupertatis  humilitas  superiorem  vel  inferiorem  episcopum  non  facit.  Et  adhuc,  nebulo,  in  eos  statues  ecclesiae  unitatem,  si  vester  Antichristus  suaviter  delitietur  in  pacata  tyrannide?  *  Et  proscribi  Christum  ex  Gallia  dices,  si  excutiatur  lethale  illud  iugum?  At  fides,  teste  Cypriano,s)  sine  unitate  non  tenetur.  Sed  cur  de  vinculo  taces,  quod  sanctus  martyr  illic  praecipuo  commendat?  Antichristum  obrepere  dicit  sub  Christi  titulo,  dum  ad  veritatis  originem  non  reditur,  nec  caput  quaeritur,  nec  coelestis  magistri  doctrina  servatur:  quae  si  quis  consideret  et  examinet,  tractatu  longo  atque  argumento  opus  non  est.  Probatio  est  ad  fidem  facilis  com-  1)  ioue  d'une  trousse.  2)  un  vilain  retraict.  3)  De  simplicitate  praelatorum≫