7:450  Sed  quid  facias  istis  bestiis?  Nam,  postquam  multas  iustificationis  causas  recensuerunt,  obliti  de  causa  iustificationis  sibi  esse  tractandum,  iustitiae  partem  operibus  constare  hinc  colligunt,  quod  nemo  absque  spiritu  regenerationis  per  Christum  Deo  reconcilietur.  At  quam  crassa  est  ista  hallucinatio?  Perinde  enim  id  valet,  ac  si  dicerent:  Remissio  peccatorum  divelli  a  poenitentia  non  potest:  ergo  haec  est  pars  illius.  1)  Hoc  unicum  est  controversiae  caput:  quomodo  iusti  censeamur  coram  Deo:  ubi  fides  nostra,  qua  sola  iustitiam  percipimus,  eam  quaerere  debeat.  Ut  millies  repetant,  non  posse  nos  aliter  merito  passionis  Christi  communicare,  quin  simul  regeneremur  eius  spiritu,  non  tamen  efficient  quominus  illud  fixum  maneat:  ideo  propitium  nobis  esse  [pag.  181]  Deum,  quia  Christi  morte  placatus  nobis  fuerit:  ideo  nos  reputari  iustos  coram  ipso,  quia  illo  sacrificio  expiatae  fuerint  nostrae  iniquitates.  Habemus,  inquit  Paulus,  propitiationem  per  fidem  in  sanguine  Christi  (Rom.  3,  25  et  5,  10).  Denique,  ubi  de  causa  quaeritur:  quorsum  attinet,  accidens  inseparabile  obtrudi?  2)  Desinant  ergo  istis  ineptiis  ludere,  vel  cavillis  ineptire:  Accipit  homo  fidem,  simul  et  spem  et  caritatem:  non  igitur  sola  fides  iustificat.  Nam  si  nobis  et  oculi,  simul  et  aures,  et  pedes,  et  manus  conferuntur,  non  propterea  tamen  aut  pedibus  nos  audire,  aut  manibus  ambulare,  aut  palpare  oculis,  dicendum  est.  De  Pauli  testimonio  perperam  adducto  alibi  dicetur.3)  Sequitur  putidae4)  illius  distinctionis  approbatio:  de  fide  informi  et  formata.  Pudet  quidem  venerandos  patres  voces  istas  usurpare:  sed  quum  balbutiunt,  non  uniri  sola  fide  hominem  Christo,  nisi  spes  quoque  et  caritas  accedant,  fidem  certe  somniant  caritate  vacuam,  quae  a  sophistis  vulgo  informis  vocatur:  quo  insignem  suam  inscitiam  produnt.  Nam  si  verum  est  quod  docet  Paulus  (Ephes.  3,  17),  Christum  habitare  in  cordibus  nostris  per  fidem:  nihilo  magis  fidem  a  caritate  separabunt,  quam  Christum  a  spiritu  suo.  Si  fide  purificantur  corda,  quemadmodum  Petrus  affirmat  (Act.  15,  9):  si  quicunque  credunt,  habent  vitam,  aeternam,  [pag.  182]  quod  toties  pronunciat  Christus  (Ioann.  3,  16  et  5,  24  et  6,  40  et  20,  31):  si  fide  obtinetur  aeternae  vitae  haereditas5)  (Rom.  4,  14),  longe  aliud  est  fides,  quam  mortua  nescio  quae  persuasio.  Viva  nos  Christi  membra  fide  effici,  negant.  1)  II  s'ensuit  donc  que  la  penitence  est  une  partie  de  la  remission  des  pechez,  ce  qui  est  hors  de  raison  et  de  propos.  2)  Les  Philosophes  savent  bien  que  ce  sont  choses  diverser,  de  disputer  de  la  cause  ou  de  quelque  accident  inseparable.  3)  hoc  ultimum  comma  in  versione  desideratur.  4)  qu'ont  forge  les  sophistes.  5)  Add.  comme  nous  enseigne  sainct  Paul.  29