55:450  Sed  nullo  negotio  refellitur  eorum  cavillum.  Nam  ei  quia  intelligat  firmam  apud  hommes  reddi  vocationem,  nihil  in  eo  erit  absurdi:  longius  tamen  extendere  licet,  ut  se  quisque  hi  vocatione  sua  pie  ac  sancte  vivendo  confirmet  Sed  hinc  perperam  colligi  dico  quod  sophistae  contendunt:  est  enim  haec  probatio  non  ex  causa  sumpta,  sed  potius  ex  signo  vel  effectu.  Porro  hoc  non  obstat  quominus  gratuita  sit  electio  :  nec  facit  ut  in  manu  nostra  vel  arbitrio  sit,  ratam  facere  electionem.  Sio  enim  res  habet:  Deus  efficaciter  vocat  quos  ante  mundum  conditum  arcano  suo  consilio  praeordinavit  ad  vitam:  idem  perpetuum  vocationis  tenorem  mera  gratia  prosequitur.  Sed  quia  in  hunc  finem  nos  eligit  et  vocat  ut  puri  simus  et  immaculati  in  conspectu  suo:  vitae  puritas  non  immerito  electionis  specimen  ac  documentum  vocatur,  quo  fideles  non  modo  aliis  testantur  se  Dei  filios,  sed  se  quoque  in  hac  fide  confirmant:  sic  tamen  ut  alibi  statuant  solidum  fundamentum  Quamquam  firmitas  ista,  cuius  meminit  Petrus,  ad  conscientiam  (meo  iudicio)  referenda  non  est:  quasi  se  fideles  coram  Deo  agnoscant  electos  et  vocatos:  verum  simpliciter  de  re  ipsa  accipio,  quod  vocatio  ex  vitae  sanctitate  firma  appareat.  Posset  etiam  legi:  Studete  ut  firma  siat  vestra  vocatio:  verbum  enim  noieZaboa  medium  est:  utrumvis  tamen  legas,  non  admodum  diversus  erit  sensus.  Summa  est,  discerni  hac  nota  filios  Dei  a  reprobis,  dum  pie  et  sancte  vivunt  :  quia  hic  divinae  electionis  scopus  est.  Unde  palam  fit  quam  indigne  Deo  oblatrent  impuri  quidam  canes,  dum  gratuitam  eius  electionem  praetextum  faciunt  omnis  licentiae:  quasi  vero  impune  ideo  peccare  fas  sit,  quia  ad  iustitiam  et  sanctitatem  praedestinati  sumus.  Haec  enim  si  feceritis.  Iterum  videtur  Petrus  operum  meritis  tribuere  quod  Deus  salutis  nostrae  cursum  promovet,  atque  etiam  quod  constanter  perstamus  in  eius  gratia.  Sed  facilis  est  solutio:  quia  tantum  docere  voluit,  in  hypocritis  nihil  esse  solidi:  contra  autem  qui  vocationem  suam  bonis  operibus  firmam  esse  comprobant,  immunes  esse  a  periculo  cadendi  :  quia  stabilis  est  Dei  gratia  qua  fulciuntur.  Hoo  modo  salutis  nostrae  stabilitas  minime  in  nobis  locatur:  ut  certe  causa  eius  extra  nos  est.  Terum  qui  spiritus  efficaciam  in  se  sentiunt,  eos  Petrus  bono  in  posterum  animo  esse  iubet:  quia  Dominus  solidum  in  ipsis  verae  et  certae  vocationis  fundamentum  iecerit.  Modum  perseverantiae  exponit,  quum  dicit,  S  u  b  m  i  n  i  s  t  r  a  b  i  t  u  r  v  o  b  i  s  i  n  -  g  r  e  s  s  u  s  ,  cuius  loquutionis  sensus  est,  Deus  novas  identidem  gratias  large  suggerendo,  ad  regnum  usque  suum  vos  perducet.  Hpc  autem  ideo  additum  est,  quia  tametsi  iam  a  morte  in  vitam  transierimus,  spei  tamen  est  ille  transitus:  quantum  vero  spectat  ad  vitae  fruitionem,  longum  iter  adhuc  nobis  restat.  Interea  multis  necessariis  adminiculis  29