54:450  qu'il  le  tiene  la  amasse:  mais  il  faut  qu'il  ait  quant  et  quant  une  voix  pour  espovanter  les  loups  et  les  larrons,  qu'il  crie  quand  il  voit  le  troupeau  estre  assailli,  que  les  chiens  abbayent,  pour  chasser  ceux  qui  voudroyent  dissiper  le  troupeau.  Ainsi  faut-il  pour  nous  acquitter  de  nostre  charge,  que  nous  suyvions  ceste  voix  gracieuse  de  Iesus  Christ  pour  attirer  les  brebis  a  soy,  et  pour  les  maintenir.  Il  faut  aussi  que  nous  ayons  une  voix  effrayante  pour  dechasser  les  loups  et  les  larrons  qui  ne  demandent  que  la  ruine  du  troupeau.  Voila  donc  le  double  usage  qui  est  en  la  parole  de  Dieu.  Or  il  est  vray  que  ceci  appartient  a  tous  en  general.  Car  quand  sainct  Paul  arme  les  fideles,  ii  dit  que  la  parole  de  Dieu  est  leur  glaive,  que  la  foy  est  leur  bouclier,  l'esperance  est  leur  heaume.  Parlant  ainsi  il  monstre  que  la  parole  de  Dieu  non  seulement  servira  quand  nous  aurons  bien  profite  en  icelle,  de  ranger  nostre  vie  en  l'obeissance  de  Dieu,  mais  que  nous  pourrons  rembarrer  le  diable  et  tous  ses  supposts:  s'ils  nous  veulent  desbaucher,  et  qu'ils  nous  vueillent  aliener  de  la  maison  de  Dieu,  que  nous  pourrons  resister  a  l'encontre.  S'il  dit  cela  de  tous  fideles,  que  sera-ce  de  ceux  qui  doyvent  estre  comme  les  capitaines,  et  qui  doyvent  soustenir  les  premiers  coups,  et  qui  doyvent  estre  mieux  armez  que  tout  le  reste  du  peuple?  Ce  n'est  point  donc  sans  cause  que  S.  Paul  met  ici  ces  deux  usages  de  la  parole  de  Dieu��  Ainsi  apprenons  que  tousiours  nous  pourrons  bien  profiter  en  la  Loy  et  en  l'Evangile,  et  en  toute  l'Escriture  saincte,  quand  noue  serons  enseignez  de  la  volonte  de  nostre  Dieu,  que  nous  serons  asseurez  de  nostre  profit,  et  exhortez  pour  nostre  bien,  mais  que  nous  aurons  aussi  dequoy  pour  bataiiler  :  quand  nostre  foy  sera  assaillie,  que  Satan  viendra  machiner  nostre  ruine,  que  nous  ne  soyons  point  confus,  mais  que  nous  soyons  bons  gendarmes,  puis  que  nous  avonB  l'enseigne  dressee,  et  puis  que  nous  cognoissons  que  Iesus  Christ  nous  veut  avoir  comme  champions  qui  combatent  sous  sa  verite.  Voila*  ce  que  nous  avons  a  retenir  en  premier  lieu.  Mais  quoy?  Combien  en  trouvera-on  qui  persistent  quand  il  y  aura  seulement  quelque  petit  vent  qui  souffle?  Les  voila  abbatus.  Et  pourquoy?  Car  il  y  en  a  bien  peu  aussi  qui  advisent  de  s'armer:  quasi  tous  le  font  a  croire  que  c'est  assez  d'avoir  gouste  comme  en  passant  la  parole  de  Dieu.  Or  le  diable  les  trouve  tous  vuides  d'autant  qu'il  n'y  a  eu  que  quelque  apparence,  ii  n'y  a  point  eu  de  fermete.  Et  tant  s'en  faut  qu'ils  soyent  munis  pour  resister  a  toutes  tentations,  qu'encores  qu'il  n'y  eust  nuls  combats  a  soustenir,  si  est-ce  qu'ils  flechiront,  d'autant  qu'ils  n'ont  point  prins  iamais  une  racine  vive,  qu'ils  n'ont  point  tire  une  droite  substance  de  la  parole  de  Dieu  pour  nourrir  leurs  ames.  Mais  29