5:450  par  tous  leurs  Docteurs  et  Prelatz,  que  en  oyant  ou  faisant  dire  la  Messe,  on  meritoit,  par  ceste  devotion,  grace  et  iustice  envers  Dieu.  Nous  disons  que  pour  sentir  aucun  proffit  de  la  Cene,  il  ne  fault  rien  apporter  du  nostre,  pour  meriter  ce  que  nous  cerchons:  mais  que  seulement  nous  avons  a  recevoir  en  Foy  la  grace  qui  nous  y  est  presentee,  laquelle  ne  reside  pas  au  Sacrement,  mais  nous  renvoye  a  la  croix  de  Iesus  Christ  comme  elle  en  procede.  Voyla  doncq  comment  il  n'y  a  rien  plus  contraire  a  la  vraye  intelligence  de  la  Cene,  que  d'en  faire  un  sacrifice,  lequel  nous  destourne  de  reeongnoistre  la  mort  de  Christ  comme  sacrifice*)  unicque,  duquel  la  vertu  dure  a  iamais.  Cela  bien  entendu,  il  apparoistra  que  toutes  Messes  ausquelles  il  n'y  a  point  de  communion  telle  que  le  Seigueur  l'a  instituee,  ne  sont  que  abomination.  Car  le  Seigneur  n'a  pas  ordonne  qu'un  seul  Prestre,  apres  avoir  faict  son  sacrifice,  [pag.  47]  feist  son  cas  a  part,  mais  a  voulu  que  le  Sacrement  feust  distribue  en  l'assemblee,  a  l'exemple  de  la  premiere  Cene  qu'il  feist  avec  ses  Apostres.  Mais  apres  qu'on  a  forge  ceste  mauldicte  opinion,  d'icelle,  comme  d'un  gouffre,  est  sortie  ceste  malheureuse  coustume,  que  le  peuple,  se  contentant  d'assister  la  pour  participer  au  merite  de  ce  qui  s'y  faict,  s'abstient  de  la  communion,2)  a  cause  que  le  Prestre  se  vante  d'offrir  son  hostie  pour  tous,  et  specialement  pour  les  assistans.  Ie  laisse  a  parler  des  abus,  qui  sont  si  lourdz  qu'ilz  ne  sont  pas  dignes  qu'on  en  face  mention:  comme  d'attribuer  a  chascun  sainct  sa  messe,  et  transferer  ce  qui  est  dict  de  la  Cene  du  Seigneur  a  sainct  Guillaume  et  sainct  G-aultier;  item  d'en  faire  foyre  ordinaire  pour  vendre  et  achepter;  et  aultres  telles  villanies  que  nous  a  engendre  le  mot  de  sacrifice.  Le  second  erreur  que  le  Diable  a  seme  pour  corrumpre  ce  sainct  mystere,  a  este  en  forgeant  et  inventant,  que  apres  les  parolles  prononcees  avec  intention  [pag.  48]  de  consacrer,  le  pain  est  transsubstantie  au  corps  de  Christ  et  le  vin  en  son  sang.  Ce  mensonge,  premierement,  n'a  nul  fondement  de  l'Escriture,  et  n'a  aucun  tesmoignage  de  l'Esglise  ancienne  :  et,  qui  plus  est,  ne  peut  nullement  convenir  ne  subsister  avec  la  parolle  de  Dieu.  N'est-ee  pas  une  glosse  trop  contrainete,  quand  Iesus  Christ,  monstrant  le  pain,  l'appelle  son  corps,  de  dire  que  la  substance  du  pain  est  aneantie,  et  en  son  lieu  survient  le  corps  de  Christi  Mais  il  n'est  ia  mestier  de  remettre  la  chose  en  doubte,  veu  que  la  verite  est  assez  evidente  pour  refuter  ceste  absurdite.  Ie  laisse  infiniz  tesmoignages,  tant  de  l'Escriture  que  des  anciens  Peres,  ou  le  Sacrement  1)  comme  sacrifice,  1541;  pour  sacrifice,  1542  ss.  2)  Ces  mots:  s'abstient  de  la  communion,  manquent  dans  la  premiere  edition.  29