54:45  45  SUR  LA  SECONDE  A  TIMOTHEE.  46  il  y  a  en  nous,  et  les  difficultez  que  nous  aurions  de  tenir  bon  contre  nos  ennemis:  mais  c'est  afin  que  nous  soyons  solicitez  de  prier  Dieu  avec  toute  humilite  qu'il  nous  assiste,  apres  avoir  cognu  que  nous  ne  pouvons  rien,  que  nous  venions  a  nous  abbaisser  devant  Dieu,  et  que  nous  le  prions  qu'il  nous  tende  la  main,  et  quand  ce  viendra  a  l'extremite,  qu'il  ne  nous  defaille  point.  Et  ainsi  estans  en  repos,  que  nous  cognoissions  que  nous  sommes  plus  que  foibles,  afin  que  nostre  Dieu  nous  prepare,  quoy  qu'il  en  soit,  et  que  nous  soyons  armez  quand  il  voudra  nous  amener  a  l'espreuve  et  a  l'examen.  Voila  quelle  est  la  droite  consideration  de  nostre  foiblesse,  c'est  (di-ie)  afin  qu'en  cognoissant  nostre  mal  nous  venions  a  Dieu,  a  ce  qu'il  remedie  a  nostre  fragilite,  selon  qu'il  cognoistra  qu'il  nous  est  propre.  Voila  donc  a  quoy  il  nous  faut  regarder.  Et  si  ceste  doctrine  estoit  bien  imprimee  en  nos  coeurs,  sans  longue  dispute,  nous  serions  beaucoup  mieux  disposez  a  souffrir  que  nous  ne  sommes  pas.  Mais  quoy  ?  Il  y  en  a  bien  peu  qui  recordent  ceste  lecon:  qui  plus  est,  il  semble  que  nous  bouchons  nos  aureilles,  que  nous  fermons  les  yeux  quand  on  nous  en  parle.  Nous  ferons  bien  semblant  de  souhaitter  que  Dieu  nous  fortifie:  mais  quoy  qu'il  en  soit,  nous  ne  pouvons  amener  nostre  veue  iusques  a  ceste  puissance  dont  parle  sainct  Paul,  il  nous  semble  tousiours  que  nous  n'avons  rien  de  commun  avec  elle.  Or  est-ii  ainsi  que  nostre  Seigneur  nous  declare  que  sa  puissance  sera  tousiours  en  nous,  que  nous  en  serons  saisis.  Et  ainsi  que  nostre  infirmite  ne  soit  point  cause  de  nous  faire  retirer  de  la  croix,  et  des  persecutions,  voyans  que  Dieu  nous  a  receus  en  sa  main  pour  suppleer  a  nos  defauts,  et  qu'il  promet  aussi  de  le  faire.  Or  sainct  Paul  n'a  point  ici  prins  la  puissance  de  Dieu  pour  s'en  iouer,  mais  il  a  declare  a  tous  fideles  qu'elle  nous  sera  preste  et  appareillee  quand  nous  la  requerrons,  voire  si  de  nostre  coste  nous  demandons  d'estre  munis  d'icelle,  et  armez  pour  batailler,  quand  le  Fils  de  Dieu  nous  appelle  au  combat.  Au  reste,  pource  que  les  hommes  ont  besoin  d'estre  picquez  de  tous  costez,  sainct  Paul  adiouste  ici  une  remonstrance  qui  est  pour  nous  faire  grand'  vergongne,  si  nous  ne  sommes  enflammez  pour  vouloir  glorifier  Iesus  Christ,  voire  endurant  persecution,  quand  il  luy  plaira  ainsi.  Il  dit,  Que  Dieu  nous  a  sauvez^  et  nous  a  appelee  d'une  vocation  saincte.  Or  puis  que  Dieu  nous  a  ainsi  prevenus  par  sa  bonte  infinie,  regardons  si  nostre  ingratitude  est  a  excuser  quand  de  nostre  part  nous  ne  luy  respondons  point.  Voila  nostre  Dieu  qui  nous  a  retirez  du  gouffre  d'enfer,  nous  estions  perdus  et  damnez.  Or  il  nous  a  apporte  le  salut:  et  puis,  il  nous  a  appelez  afin  que  nous  en  sussions  participans.  Quand  donc  Dieu  s'est  monstre  ainsi  liberal,  si  de