53:45  45  SUR  LA  PREMIERE  A  TIMOTHEE.  46  receu  :  que  cela  n'est  sinon  une  frenesie,  qu'ils  n'ont  point  le  sens  rassis  :  ce  leur  est  assez  de  dire,  Voila,  nous  le  tenons  de  Dieu.  Et  de  ceci  nous  en  avons  l'experience  auiourd'huy,  comme  alors  elle  estoit  du  temps  de  sainct  Paul,  ainsi  qu'il  en  parle  au  second  chapitre  des  Colossiens.  Car  la  il  exhorte  les  fideles  de  se  tenir  en  la  pure  simplicite  de  l'Evangile,  afin  qu'ils  ne  soyent  point  deceus  par  les  seducteurs,  et  par  ces  docteurs  speculatifs,  sous  ombre  d'humilite  (dit-il)  et  de  revelations  angeliques,  et  autres  choses  semblables.  Il  y  avoit  des  superstitions  que  le  diable  mettoit  en  avant  par  gens  curieux:  Sainct  Paul  dit  la,  qu'il  faut  que  les  fideles  soyent  sur  leurs  gardes  pour  n'estre  point  tirez  ne  ca  ne  la.  Et  puis  il  adiouste,  Que  ceux  la  sont  enflez  de  leur  sens  propre,  et  s'avancent,  et  s'ingerent,  et  se  mettent  en  possession  des  choses  que  iamais  n'ont  cognues.  Ainsi,  nous  voyons  que  ce  n'est  pas  d'auiourd'huy  que  le  diable  a  suscite  des  brouillons  qui  ont  voulu  semer  leurs  zizanies,  et  qui  ont  ose  affermer  hardiment  ce  qui  leur  estoit  incognu:  mais  auiourd'huy  nous  voyons  que  cela  se  prattique  plus  que  iamais.  En  la  papaute,  ie  vous  prie,  quels  sont  les  articles  qu'on  tiendra  les  plus  certains?  Si  quelqu'un  a  nie  la  resurrection  des  morts,  ou  la  vie  eternelle,  ce  ne  sera  pas  une  heresie  si  grande  que  d'avoir  nie  le  purgatoire.  Et  du  purgatoire  quelle  certitude  en  ont-ils?  Quel  ange,  ou  quel  diable  leur  a  revele  qu'il  y  a  un  purgatoire?  Ils  l'ont  basti  en  leur  cerveau:  et  combien  qu'ils  ayent  tasche  d'amener  quelques  tesmoignages  de  l'Escriture  saincte,  en  la  fin  ils  sont  demeurez  confus,  tellement  qu'ils  n'ont  autre  defense  de  leur  purgatoire,  sinon  l'anciennete.  Ho  voila,  on  l'a  tousiours  ainsi  tenu.  Voila  donc  le  fondement  de  la  foy,  selon  les  docteurs  papistes.  Et  puis  il  ne  faut  point  revoquer  en  doute  que  les  saincts  trespassez  ne  doivent  estre  reclamez  comme  advocats  et  patrons.  D'aller  a  Dieu  sans  avoir  quelque  sainct  Michel  qui  nous  guide,  ou  la  vierge  Marie,  ou  quelque  sainct  que  le  pape  aura  forge  en  son  calendrier  a  sa  poste,  ho  de  cela  il  n'y  auroit  nul  propos.  Et  comment?  a  quelles  enseignes?  Trouvera-on  en  toute  l'Escriture  saincte  un  seul  mot,  une  seule  syllabe  qui  monstre  que  les  creatures  intercedent  pour  nous,  c'est  a  dire  ceux  qui  sont  trespassez?  Car  nous  devons  bien  en  ce  monde  prier  les  uns  pour  les  autres:  et  cela  nous  est  commun  et  reciproque,  comme  on  dit:  mais  quant  aux  trespassez,  il  n'en  est  fait  nulle  mention.  Aussi  ne  faut-il  point  qu'on  en  doute  en  facon  que  ce  soit.  Touchant  des  choses  semblables,  comme  de  ces  folles  devotions  qui  sont  introduites  en  la  Papaute,  de  tous  ces  badinages-la  on  ne  trouvera  rien  en  la  saincte  Escriture.  Et  quoy?  Ce  sont  speculations,  ce  sont  des  subtilitez  de  messieurs  nos  maistres: