52:45  45  CAPUT  III.  volent  Gloriari  et  fiduciam  habere,  pro  eodem  posuit.  Effert  enim  fiducia  hominem,  ut  gloriari  etiam  audeat.  Itaque  sunt  res  coniunctae.  4.  Tametsi  ego  etiam.  Non  de  affectu  loquitur,  sed  se  quoque  gloriandi  argumentum  habere  significat,  ei  libeat  aliorum  stultitiam  imitari.  Sensus  ergo  est:  Mea  quidem  gloria  in  Christo  sita  est:  Terum  si  in  carne  oporteat  gloriari,  mihi  etiam  non  deest  materia.  Atque  hinc  discimus  qualiter  refelienda  sit  eorum  arrogantia,  qui  extra  Christum  superbiunt.  Si  eadem  quibus  se  venditant,  suppetunt  etiam  nobis,  ne  patiamur  illos  Christo  insultare  inepta  iactatia,  quin  nostras  quoque  glorias  regeramus:  ut  intelligant  nos  non  invidia  facere,  quod  pro  nihilo  ducimus,  imo  sponte  abiicimus  quae  maximi  faciunt.  Sit  tamen  haec  semper  clausula,  vanam  esse  et  ridiculam  omnem  carnis  fiduciam.  Si  quis  fiduciam  habet  in  carne,  ego  magis.  Non  contentus  se  aequare  cuivis  illorum,  etiam  se  praefert.  Quare  non  potest  in  hac  causa  esse  suspectus,  quasi  invideat  illorum  praestantiae  :  et  Christum  extollat,  deprimendi  eius,  quod  sibi  deest,  causa.  Dicit  ergo,  si  in  contentionem  ventum  fuerit,  se  reliquis  fore  superiorem.  Nihil  enim  habebant  (ut  mox  videbimus),  quod  non  vicissim  haberet  cum  illis  commune:  in  quibusdam  vero  longe  antecellebat.  Improprie  dixit  fiduciam  se  habere,  qui  sine  fiducia  praeditus  erat  gloriis  carnalibus  quibus  alii  turgebant.  5.  Circumcisus  die  octavo.  Ad  verbum  est,  circumcisio  octavi  diei.  Sed  quoad  sensum,  nihil  interest:  significat  enim  se  legitimo  ritu  et  secundum  praescriptum  legis  fuisse  circumcisum.  Ordinaria  autem  illa  circumcisio  pluris  habebatur:  deinde  indicium  erat  generis,  de  quo  mox  subiicit.  Nam  in  alienigenis  non  eadem  erat  ratio:  quia  postquam  fuerant  proselyti,  circumcidebantur  adolescentes  aut  viri,  interdum  etiam  senes.  Dicit  itaque  se  genere  esse  Israelitam.  Tribum  designat,  non  (meo  quidem  iudicio)  quod  plus  haberet  praestantiae  tribus  Beniamin  quam  aliae:  sed  ad  confirmandam  generis  fidem:  ut  moris  erat  singulos  ex  sua  tribu  censeri.  Huc  pertinet  quod  rursus  addit  se  Hebraeum  esse  ex  Hebraeis,  Vetustissimum  enim  erat  hoc  nomen,  utpote  quo  ipse  quoque  Abraham  insignitur  a  Mose  (Gen.  14,13).  Summa  igitur  est,  ab  ultima  origine  Paulum  esse  ex  semine  Iacob  progenitum:  adeo  ut  inde  possit  ultra  atavos  et  abavos  citare.  Secundum  legem  Pharisaeus,  Postquam  de  generis  nobilitate  disseruit,  nunc  descendit  ad  dotes  personae  (ut  vocant)  peculiares.  Vulgo  satis  notum  est,  sectam  Pharisaeorum  opinione  sanctimoniae  ac  doctrinae  fuisse  prae  aliis  celebrem:  eius  se  fuisse  commemorat.  Pharisaeos  a  divisione  fuisse  appellatos,  communis  opinio  est:  verum  mihi  magis  pro-