51:45  45  SUR  L'EPITRE  AUX  GALATES.  46  vaguions  point  apres  des  opinions  ca  et  la,  sans  avoir  nn  certain  but,  exercons  nous  en  ce  que  sainct  Paul  nous  enseigne  en  ce  passage,  et  nous  ne  serons  point  condamnez  de  nous  estre  amusez  a  choses  de  neant,  et  que  Dieu  condamne  et  deteste,  et  qu'il  prononce  aussi  estre  frivoles.  Or  nous  nous  prosternerons  devant  la  maieste  de  nostre  bon  Dieu  en  cognoissance  de  nos  fautes,  le  priant  qu'il  nous  les  face  sentir,  tellement  que  ee  soit  pour  nous  abattre  du  tout.  Et  nous  estans  condamnez,  que  nous  recourions  a  luy,  scachant  qu'il  est  tousiours  prest  de  subvenir  a  ceux  qui  sont  affamez  de  sa  grace,  et  qui  la  desirent  sans  aucune  fiction.  Et  que  d'autant  qu'il  nous  a  donnez  a  nostre  Seigneur  Iesus  Christ  et  qu'il  nous  a  prins  en  sa  conduite,  qu'il  desploye  les  thresors  et  les  dons  de  son  sainct  Esprit  a.  fin  de  nous  en  faire  participans.  Et  qu'il  augmente  de  plus  en  plus  ses  graces  en  nous:  et  que  nous  en  soyons  tellement  munis,  que  ce  soit  pour  nous  donner  la  victoire  contre  tous  les  combats  de  Satan,  et  du  monde,  et  de  nostre  propre  chair.  Que  non  seulement  il  nous  face  ceste  grace:  mais  a  tous  peuples  et  nations  de  la  terre  etc.  TRENTESEPTIEME  SERMON.  GALATES.  Chap.  V,  v.  22.26.  Nous  avons  veu  par  cidevant  que  si  nous  desirons  de  servir  a  Dieu,  nous  trouverons  assez  d'occasion  de  mettre  peine  a  chastier  nos  vices,  et  que  chacun  regardera  a  combien  de  corruptions  et  de  fautes  il  est  suiet.  Or  notamment  sainct  Paul  nous  a  mis  en  avant  les  pechez  qui  regnent  en  nous  de  nature,  a  fin  que  nous  scachions  ou  il  nous  faut  adresser  toutes  nos  affections  pour  bien  nous  renger  en  l'obeissance  de  Dieu.  Car  nous  voyons  comme  les  hommes  s'amusent  a  choses  frivoles  quand  ils  protestent  de  vouloir  servir  a  Dieu:  ils  tracassent  ca  et  la  sans  fin  et  sans  mesure.  Or  c'est  peine  inutile  et  frustratoire,  comme  nous  voyons  en  la  Papaute  qu'on  appellera  service  de  Dieu  beaucoup  de  badinages  que  les  hommes  ont  forge  a  leur  appetit.  Et  en  tout  cela  combien  qu'ils  se  prisent  beaucoup  et  se  glorifient,  si  est-ce  qu'il  n'y  a  que  vanite:  et  cependant  il  n'est  point  question  de  venir  au  principal:  car  le  monde  cerche  tousiours  des  circuits.  Or  Dieu  nous  propose  le  droit  chemin  en  sa  Loy  :  et  quand  nous  tendrons  sans  feintise  a  ceste  vraye  perfection,  il  nous  faudra  commencer  par  ce  bout  de  renoncer  a  nous  mesmes,  d'autant  qu'il  n'y  a  nulle  sagesse  en  nous  qui  ne  soit  maudite,  il  n'y  a  nulle  pensee  qui  ne  soit  meschante:  il  n'y  a  nul  appetit  qui  ne  soit  pervers  et  corrompu.  Pour  ceste  cause  donc  S.  Paul  par  cidevant  a  monstre  que  si  les  hommes  ont  bonne  affection  de  bien  ordonner  leur  vie,  qu'en  premier  lieu  ils  trouveront  assez  a  travailler,  quand  chacun  regardera  qu'il  y  a  beaucoup  de  perplexitez  et  de  cupiditez  meschantes  a  retrancher:  ce  qui  ne  se  fera  pas  du  premier  coup.  Et  notamment  aussi  sainct  Paul  adresse  ce