49:45  45  CAPUT  III.  proponere  in  animo  habuit:  si  quis  gentilis  reperiatur  qui  legem  observet,  eius  iustitiam  pluris  esse  in  praeputio,  quam  Iudaei  sine  iustitia  circumcisionem.  Itaque  quod  sequitur,  iudicabit  is,  qui  natura  est  praeputiatus,  circumcisum:  non  ad  personas,  sed  ad  exemplum  refero.  Quemadmodum  illud:  Regina  austri  veniet,  ete.  Item:  Viri  Ninivitae  surgent  in  iudicio.  Nam  et  verba  Pauli  in  eum  sensum  nos  deducunt.  Iudicabit  te  gentilis,  ait,  legis  observator  transgressorem:  quamquam  ille  incircumcisus,  tu  literali  circumcisione  praeditus.  27.  Per  literam  et  circumcisionem.  Hypallage,  pro  circumcisione  literali.  Neque  intelligit  eos  propterea  legem  violare,  quod  literam  habeant  circumcisionis:  sed  quia  cum  illa  sua  externa  caeremonia  spiritualem  Dei  cultum,  pietatem  scilicet,  iustitiam,  iudicium  et  veritatem,  quae  tamen  legis  praecipua  sunt,  obliterare  non  desinant.  28.  Non  enim  qui  in  manifesto>,  ete.  Sensus  est,  verum  Iudaeum  non  esse  aestimandum  vel  a  carnis  progenie,  vel  a  titulo  professionis,  vel  ab  externo  symbolo:  neque  circumcisionem,  quae  Iudaeum  facit,  sola  exteriore  figura  constare,  sed  utrumque  internum  esse.  Quod  autem  de  vera  circumcisione  subiicit,  sumptum  est  ex  locis  compluribus  scripturae,  imo  ex  communi  doctrina:  quia  passim  iubetur  populus  circumcidere  cor  suum,  atque  id  se  facturum  Dominus  promittit.  Praeputium  enim  non  tanquam  exigua  partis  unius  corruptio,  sed  totius  naturae,  resectum  fuit.  Ergo  circumcisio  totius  carnis  mortificatio  fuit.  Quod  deinde  addit,  eam  in  s  p  i  r  i  t  u  positam  esse,  non  litera,  sic  accipe:  literam  vocat  externam  sine  pietate  observationem  :  spiritum  caeremoniae  finem,  qui  spiritualis  est.  Nam  quum  totum  pondus  signorum  ac  rituum  a  fine  pendeat,  fine  ipso  sublato  manet  sola  litera,  quae  per  se  inutilis  est.  Haec  autem  est  ratio  loquutionis:  quia  ubi  sonat  vox  Dei,  quaecunque  praecipit1),  nisi  ab  hominibus  suscipiantur  sincero  cordis  affectu,  manent  in  litera,  hoc  est,  in  frigida  scriptura:  si  vero  in  animam  penetrent,  quodammodo  in  spiritum  transformantur.  Allusio  autem  est  ad  discrimen  veteris  et  novi  testamenti,  quod  notat  Ieremias  capite  31,  33,  ubi  Dominus  ratum  et  stabile  fore  pronuntiat  foedus  suum  postquam  visceribus  insculptum  fuerit.  Eodem  alibi  quoque  respexit  Paulus  (2.  Corint.  3,  6)1  ubi  legem  evangelio  comparans  illam  vocat  literam,  quae  non  mortua  solum  est,  sed  etiam  occidit:  hoc  autem  spiritus  elogio  insignit.  Porro  bis  crassa  eorum  stultitia  fuit,  qui  ex  litera  fecerunt  genuinum  sensum,  ex  spiritu  allegorias.  29.  Cuius  laus  non  ex  hominibus.  Quia  defiguntur  hominum  oculi  in  ea  quae  apparent,  negat  sufficere,  quod  humana  opinione  sit  commendabile,  quae  externo  splendore  saepe  decipitur:  sed  oportere  J)  quod  quae  a  Domino  nobis  praecipiuntur